143
das vnser geliebter Sohne ietzgedacht gegen dem Reusen vff desselben ietzige statliche beschickung Die alte fridsame vorwandtnus, So von altersher von Konigen zu Dennemarken etc. bewilliget vnd in vbung gewesen, lassenn befestigenn, Vnnd Jn summa mit ietzgemelten beiden Potentaten frid vnd enigkeit geschlossen, Dessenn wir dan dem lieben Got hochenn dancksagenn. Ob wir nun nit zweiffeln, Es werden vil vnfridfertige vnnd vnruwige soliche zeitung vngern anhörenn, So haben sie doch hinwider den trost, das zwischen dem pabst vnnd frantzosen, auch Schweiden vnd Poln, zanck vnd hader, Dabey sie durch angemelte vnsere froliche zeitung ergetzlicheit zuempfahenn vnd zu diennst zugereichenn. Wölichs wir dan E. 1. als dem freundtlichen geliebten brüder nit wolten pergen, Dieweil wir wissenn, Das sie nit weniger wir ein frolocken haben werden, Vnnd thun damit E. L. gottlicher beschirmung befelhen. Datum Coldingen 16ten Nouembris Anno etc. lxij. Paategning: Productum haderszleben den 20 Nouemb. Ao. etc. 62. Die Konigin zu Dennemarken bericht das der Konig mit Schweden vortragen. Orig. paa Papir med Udskrift til Hertug Hans og Segl (det danske og det saxiske Vaaben). 89. 1562, 23 November. Vnnsernn freundtlichen grus vnd was wir in muterlichen trewen ehrenn liebs vnd guts vormugen stets zuuor, Durchleuchtiger furst, Freundtlicher geliebter Sohnn, Wir haben E. L. freundtlich schreiben bey gegenwertigem empfangenn, vnd daraus vornohmmen, das von wegen der schwedischen Gesandten abziehenn vnd fordern noch kein vortraglicher bescheide erfolget, vnnd das E. l. mit der Reiszischen bottschafft noch kein handlung pflogenn etc. Nun sagen wir E. 1. als dem frundtlichen geliebten Sohne freundtlichen danck, Das sie vns mit Jrem schreibenn vnd derselben sohnlichem vorsprechen nach erinnern. Es ist vns aber in wahreit soliche zeitung als der getrewen Muter leid vnnd vnlieb, Dieweil Jre khundig, das aus krieg vund widerwillenn aller vnfall vnnd vorenderung zuerfolgenn, vnnd vber vnser vorhoffen aus des schweden practicen allerley zu schepffen haben, Wir wollen aber E. 1. als den christlichen potentaten aller fridsamheit vnd vnuorursacht wissen. Wie wir dan derselben gemueht niemals zu vnlust oder kriegen befunden. Bey wolicher neigung der allmechtige Got E. 1. gnedigst geruhe zuerhallten vnnd disenn Reichen vnd landen gluck vnd frid zuuorleihen. Vnnd werden vns E. 1. hinfurter, als der geliebte Sohn mit Jrem schreiben mit zwfallender bottschafft ersuchen vnnd mit frölicher bottschafft belangen, darumb wir freundtlich thun bitten. Thun hiemit E. 1. gottlicher beschurmig treulichst empfelhen. Datum Coldingen 23ten Nouembris Ao etc. 62. Dorothea von Gots gnaden zw Dennemark, Norwegen etc. Konigin, Geborn zu Sachssen etc., hertzogin zu Schleszwig, holstein etc., widtwe. Orig. paa Papir med Seglet.
