145
E. L. vngern beschweren wolten, Sstellen demnach solichs zu E. L. selbst wolgefallen, Die wir dem Ewigenn Gott empfelhenn, Dessen Gottliche Allmacht geruhe E. L. inn bestendiger gesundheit vnnd glucklicher Regierung allzeit zuerhalten Vnd das kunfftig New Jar zu Christlicher wolfart zuuorleichen. Datum Coldingen den 19 Decembris Anno etc. 62. Dorothea von Gotts gnaden zu Dennemarcken Norwegen der Wenden vnd Gotten konigin, Geborn zu Sachsenn etc., hertzoginn zw Schleswig Holstein Stormarn vnnd der Diettmarschen, Grauin zu oldenburg vnd Dellmanhorst. Widtwe. Orig. paa Papir med Udskrift til Kongen og Segl (det danske og det saxiske Vaaben). 92. 1562, 28 December. Dorothea vonn Gots gnaden zu Dennemarcken, Norwegenn der Wenden vnnd Gothenn Konigin, Gebornn zu Sachssen etc., hertzogin zu Schlesswig, Holstein, Stormarn vnd der Dietmarschenn, Grafin zu Oldenburgk vnd Dellmenhorst, Widtwe. Vnnsernn freundtlichenn grus vnd was wir in ehrenn liebs vnnd guts vormugen stets zuuornn. Hochgeborner Furst freundtlicher geliebter Bruder, Wir wissenn vnns freundtlich zuberichtenn vnnserer zusage, Ewer L. wegenn der Asterich, so wir zu Hausum ligen haben, freundtlich gethonn, Vnd weil wir dann E. L. als dem freundtlichen geliebten Bruder in trewenn vnd Ehren zu willenfahrenn geneigt, So habenn wir zu wircklicher volge gerurts vnsers vorheisens hiemit an vnsernn Ambtschreibern auff Sunderburgkh schreibenn lassenn, Ewer L. befelch vnd geheisz solicher Asterich halbenn, so er in vorwarunge, mit vleis nachzusetzenn. Das wir dann E. L. hiemit schwesterlich nit woltenn bergenn, Damit sie die forderung darnach ergehn zulassenn. Vnd thun Ewer L. dem allmechtigenn Got in sein gnad empfelhenn. Datum vff vnserm leibgedings schlosz Coldingen den Montag nach der heiligen Christwerdung Anno etc. Jm lxijten. Paategning: Der Konigin schreiben etzlichen Asterrach, so sie zu husem ligen vnd M. g. h. vbergeben hat, belangend. Orig. paa Papir med Udskrift til Hertug Hans („zu seiner L. handen") og Segl (det danske og det saxiske Vaaben). 93. 1563, 16 Januar. Dorothea von Gotts gnaden zu Dennemarcken Norwegen der Wenden vnd Gothen Konigin, Geborn zu Sachssen etc., Hertzogin zw Schleswig Holstein etc., Widtwe.
