147
95. 1563, 13 Marts. Dorothea von Gots gnaden zu Dennemarck Norwegen der Wenden vnd Gotthen Konigin, Geborn zw Sachssen etc., Hertzogin zw Schleswig Holstein Stormarn vnd der Diettmarschen, Grauin zw Oldenburg vnd Dellmanhorst, Widtwe. Vnsern freundtlichen grus vnd was wir in trewen vnd ehren Liebs vnd guts vormugen stets zuuor. Hochgeborner Furstt, freundttlicher geliebter bruder. Nachdem sich briefszeiger der pfarherr zu Sest vonn wegen der weiterung vnd vnbillicher beschwerung, so jme einer bewonung halben zu seiner befolhnen Kirchen gelegen, zugefugtt worden, an E. L. vmb gnedige hilff vnd zu erlangung derselben zubegeben, So wolten wir Jme dis vnser furderungs schreiben gnedigst mittheilen, Vnd ist derhalben an E. L. als den freundtlichenn geliebten bruder vnser freundtlich bitt, E. L. wollen gemeltem pfarherr in oberwendtem seinem anligen, jn dem er berechtett, gnedige forderung erzeigen vnd diser vnser bitt geniesen lassen. Das sein wir vmb E. L. zuuorschulden in ehren freundttlich geneigtt. Datum Coldingen den 13 Marcii Anno etc. Lxiij. Orig. paa Papir med Udskrift til Hertug Hans og Segl (det danske og det saxiske Vaaben). 96. 1563, 1 Juni. Vnnser muterliche trew vnnd was wir in ehrenn liebs vnnd guts vermugenn zuuornn. Durchleuchtiger furst, Freundtlicher vilgeliebter sonn. Wir sein von einem Lubischen burger Martin detlefs genandt claglich berichtet worden, das er in dennemarcken schulden aussten habe, vnd aber zu dem seinen nit gelangen konne, Warumb er dan verursacht werde, solichs an e.l. in vnderthenigkeit gelangen zulassen, Vnd hat vns hieruff vmb vnsere gnedigste vorschrifft gebettenn, Jn hoffung derselben zugeniesen. Weil wir dann erfahren das gemelter Martin detlefs ein frommer vfrichtiger man sein sol, der auch nichs vnbillichs fordern thut, So bitten wir e. 1. gantz freuntlich vnd muterlich, E. L. wolle sich seiner gnedigst annemmen vnd befelhen, das er moge Zu seinem gerechtenn gefurdt werden. Das begern wir vmb E. 1. muterlich Zubeschulden, Vnd befelhen hiemit e. 1. dem allmechtigen Got in seinen getrewen schutz. Datum Lubeck den dienstag in den h. Pfingsten Ao. 63. Dorothea. Dorothea von gots gnaden Konigin zw Dennemark, Norwegen, der Wenden vnd Gotten etc. Orig. paa Papir med Dronningens egenhændige Underskrift, som fra nu af næsten altid findes; med Udskrift til Kongen og Segl (det danske og det saxiske Vaaben). I B. 3 H. (1854). 19
