152
vnnd vnratsam vfgenommen, Als solte E. 1. Kriegsvolck vf solich vfgewürckt vorbott vbermesige grose manglung vnd Armut leidenn. Vnd wir sein durch glaubwurdige berichtet worden, Das ietzgedachte E. 1. heimgelassene Stathalter vnd Rhete zu Copenhagen vnder einander vnfridlich vnd nit eines Kopfs sein sollen, Daraus vil getrewe sorgfeltigkeit tragen, da es dermassen geschaffen, wie wir doch nit hoffenn, es mochte die Regierung dardurch in bester form nit vorsehenn werdenn. Von hertzig Erichen zu Braunschweig wirt allerhand miszuortrawen Vnnd Partielicheit gesagt, wie dasz er in vorstehender neigung vnd Practic sey Jn Dennemarck ein offen loch zusuchenn, vnnd soll sich mitt heimduckischenn geschwinden farben schuckenn. Vnnd ist vns von erleuchten hohen Personen vor gewise warheit beykommen, hertzog Erich habe sich in seinem widerweg aus Dennemarkenn bey hochen vnd nidern stenden vornemmen lassenn, wie schwarlich Jme sein Reis in Dennemarck gefallenn, Jn dem er in vorsorge gestandenn, Er mochte zu letzst in des vorstorbnen Konig Christians gefencknus losiert worden sein, Sonderlich weil er von E. 1. so widerwertig vnd nit nach seines Stands gepur empfangenn, vnd habe E. 1. Jme angebotten an vngepurliche vnzuchtige örtter gesellig zufuhrenn, vnd in beysein des Grafen zu Schwartzenburg allerley seltzame Reden gegen Jme laufen lassenn, die Jme Schrecken vnnd allerley nachdencken erwecket, Vnnd were derhalben zum hochsten erfrewet, das er wider hieraussen wer. Vnnd sein Jn Summa der leutter meuler sunst in vil mehrem groblich voller lugenn. Der allmechtige Gott werhe denselbigen vnd allen vnfridfertigen vfrurern vnnd betrubernn. Ob wir nun wol muterlich konnen ermessen, Es werden E. 1. von den Jrenn vnd sunst allenthalben hero diser vnd anderer zeitung gnugsam bericht sein, haben wir doch nit vor schedlich erachtet, solichs an E. 1. wie wirs empfangen gelangen zu lassenn. Da nun E. 1. dem zu Jrem besten nachdenckens haben kondte Sehen wirs gern. Sunst mugen E. 1. freundtlich wissen, Das wir vber gemachte zuuorsicht von Giffhorn aus, dahin wir E. 1. geliebte schwester die Churfurstin bescheiden, vollent gehnn Dreszden gereiset, Dan es hatt vns der Churfurst zum fleisigsten durch Jre L. Bottschafft ersucht vnd gebetten, Dieweil ietzgemelte unser geliebte Tochter hochschwanger vnd derhalben in leibs vngelegenheit gefallen, Das sie zum reisen fast vntuchtig, wir wolten vns demnach der vbrigen reis von giffhorn aus, mit dem Jungen herrn hertzog christian vollentt mechtigen. Nun ist es vns zum hochsten vngelegen vnd schwerlich gefallen, Nachdem wir aber dagegen all vnsern geliebten Kindern vber vnser vormugen auch zu Dienen begierig, haben wir ein soliche Reis vf vns genommen, Vnd sein Got lob widerumb glucklich anhemisch kommen. Des wir E. 1. hiemit muterlicher meinung wolten vorstendigen, Damit sie auch vnserer gelegenheit wissens haben mochte. Vnnd bitten hieruff dagegen mit besonderm muterlichen vleis, E. 1. wollenn vns hiemit Jren glucklichen zustande, vnd wie fehr sie khommen, nach Jrem sohnlichen
