153
gefallenn ankhundigenn, vfdas wir vns des guten zu erfrewen, vnd des bosen, so der allmechtige abwende, neben E. 1. zubetruben habenn, Vnd bitten daneben E. L. gantz muterlich, die wollen ya trewe achtung vf sie geben lassen, vnd nit zu keck oder freidig sein. Dan wie bald sich ein vngluck erreget, jst ohne zweiffel E. 1. gnugsam erinnert worden. An dem allen thutt vns E. 1. ein sohnlich wolgefallen, Die wir hiemit in den gnadenreichen schutz des allmechtigen befelhen. Datum Eylich Sonderburg den vten Septembris Ao. etc. 63. Dorothea. Dorothea vonn Gotts gnaden zw Dennemarcken Norwegen der Wenden vnd Gotten Konigin, Geborne zw Sachssenn, hertzogin zu Schleszwig, Holstein etc. Widtwe. Paategning: Productum vor Elszburg den 13 7bris Aº. 63. Orig. paa Papir med Udskrift til Kongen „zu aigenn handen" og Segl (det danske og det saxiske Vaaben). 102. 1563, 29 September. Was wir in mutterlichenn trewenn Ehrn liebs vnnd gutts vormugenn zu allerzeit zuuornn. Durchleuchtiger furst freundtlicher geliebter Sohnn. Wir habenn E. L. sonlichs widerschreibenn bey vnnserm diener empfangenn Vnnd daraus vor allenn dingenn zu hertzlichenn freudenn vnnd frolockenn vormerckt, Dasz E. L. durch die Gnade gotts in glucklichem gesundenn wolstande erhaltenn. Vor wöliche angekundte erfrewung wir E. L. aus muterlichem hertzenn hohenn fleisigenn Danck sagenn, Vnd bitten den allmechtigen Gott, dasz Er E. L. hinfurter bey solicher wolfart langwurdig gnedigst schutzenn vnd erhaltenn wolle. Vnnd lassenn Vns daneben mutterlich wolgefallenn, Das E. L. vnnsere vortrauliche anzaig nit anderst, dann wie es hertzlich von vns gemeindt ist, sonlich vnd Jm besten vormerckt. Wir habens auch E. L. nit anderer gestalt, dan es an vns gelangt, gebenn wollenn. Vnnd mag zwar das werck einen iedenn richtenn, Weil aber gleichwol hertzog Erich, wie E. L. freundtlich wissenn, bey vielen so hochen als nidern Stenden des Reichs eines mercklichen Miszuortrawenn, Vnd ehrmals den hundt hencken lassenn, Kan vffsehens nit schaden, Ohne geachtet Ewer L. zugeschickter erklerung, Wolicher wir vor zwechen Monaten in Deutzland, allermassen vns E. L. derselben Copey zugeschickt, vorstendigt wordenn. Gleichenn freundtlichen danck sagen wir E. L. auch Jrer zugeschribner glucklicher eroberung, Dann wann wir in vnnser mutterlichen sorgfeltigkeit vngefarlich erwegenn die grose Summa gelts, So E. L. monatlich vff den Krieg haben musz, Machte es vnns fast
