156
• wan es vnser eigen Person gulte. Konden auch derhalben vnser hertz nit zufriden geben, wir mugen Dan allezeit E. L. als des vilgeliebten Sohns gelegenheit vnd zustande wissenschafft empfahenn. Dan vor was last, gefahr vnd Muhseligkeit kriegenn vf jm traget, Besorgen wir muterlich, das E. L. dessenn zum theyl Innen wordenn. Es ist aber vieleicht des allmechtigenn will, Der vnser allerseitz wolfart vnd heil gnediglich weist, Das E. L. durch dise weg vnnd Mitel der vnartigen welt lauff vnd diek, so vnser sorge nach allein zu vnser aller vorwandten verderben gerichtet, kennen lernen Vnnd greiflich sehen konne, Das vff Menschenn weisheit gewalt oder anschlege nichs zu bawen, Oder in so wichtigen hendeln daruf so vbereylents ichtwas vorzunemmen. Wie nun E. 1. Jrer Vorelthern Kriegsvbung nach sich hinfürter zuuorhalten vnnd der winterlichen wettertagen abzuwarten sich jn jrem schreiben erkleret, Also bitten wir muterlich E. L. wollen die gelegenheit vnnd mit was vernunfftigen vorbedacht auch vorhütung viler geltspildung solichs geschehenn, vornunfftiglich bedencken, Auch dasz der ewige Got die wettertage vnd alle windt in seinen gottlichen gewaldt vnd handen hatt. Den E. 1. neben vns demutiglich wolle bitten, vns eingewickleter Weiterung mit gnaden zuentledigen vnnd vor weiterm vnfal gnedigst zu beschutzenn. von Allermassen auch E. 1. sohnliche neigung tragen vns sohnlich zu besprechen, also sein wir darzu nit weniger begirig. Nachdem aber E. 1. sohnlich vnuorborgen, dasz wir derselben vilgeliebten schwester der hertzogin zu Luneburgk freulichen geburts zeit abzuwarten, Als haben wir entschlossenn vnsern zug in kurtzen tagen von hieraus zu nemmen. Derhalben wir vns Neben E. 1. besserer bequemigkeit von gotlicher allmacht vorhoffen mussen, Dem wir E. L. zu ewiger vnd zeitlicher wolfart hertzlich thun befelhen. Wolten wir E. 1. hinwider nit pergen. Datum Eylich Coldingen den 14 Octobris Ao. etc. 63. Dorothea von Gots gnaden Konigin zu Dennemarck Norwegenn etc. hertzogin zu Schleszwig Holstein etc. widwe. Dorothea. Original paa Papir med Udskrift til Kongen og Segl (det danske og det saxiske Vaaben). Paa en indlagt Seddel: Auch freundtlicher geliebter son, Mugen wir hiemit nit vnderlassenn, der armen bauren in E. L. Konigreichen zugedencken. Vnnd ist vns beykommen wie schwerlich es gemeiner Baurschafft falle, das sie die Klipling so sie von andern nemmen mussenn, in taglicher ausgab nit wider ohnig werden, Noch soliche Muntz die Ambtleut oder vogt hinwider von jnen annemmen wollen, Das nun zumal beschwerlich vnd vnsers erachtenus vnbillich wer, die Armut zu anderer Muntz dan sie empfangenn zudringenn. Weil nun E. L. aus vernunfftigem vorstande freundtlich wissen, Das Gott der
