161
trewer liebe in ehrenn zu dienen begirig. Got befelhenn. Datum Coldingen den tag Stephanj. Anno etc. 63. Dorothea von Gots gnad zw Dennemarck Norwegen der Wenden vnd Gotten Konigin, Geborn zw Sachssen etc. Hertzogin zw Schleswig, Holstein etc., Witwe. Dorothea. Orig. paa Papir med Udskrift til Kongen og Segl (det danske og det saxiske Vaaben). 106. 1563, 27 December. Dorothea vonn Gots gnadenn zw Dennemark Norwegen, der Wenden vnd Gothen Konigin, Gebornn zw Sachssen etc., hertzogin zu Schleszwig, Holstein etc. Widtwe. Vnnsern freundtlichen grus vnd was wir in ehrenn liebs vnd guts vormugen zuuorn. Hochgeborner furst, freundtlicher geliebter Bruder. Wir mugen E. 1. freundtlich nit Pergen, Das in vnser leibgedingsstat Drotingburg Die Stat brück eingesuncken vnd taglich zu Niderfall gereichen will, wolichem Vnraht wir aber gern wehren, vnd vorkhommen lassen wolten. Weil sich nun E. 1. bawmeister erbotten, Da es mit E. 1. gnedigem Zulasz zugeschehen, er nach gemelter vnser Stat reisen vnd sein bedencken in den dingen geben wolle, So ist an E. l. vnser freundtlich bitt, Dieselb wolle vns gemelten Jren bawmeister vorgunstigen, vnd Jme, weil er in diser winter Zeit wenig Zuuorseumen, vorleuben. Das vormercken wir zu freundtlichem danck von E. 1., die wir gottlicher beschirmung befelhen, vnd wünschen, Seine allmacht E. 1. disz new angeendt ihar zu gluck vnd freuden vorleihe. Datum Coldingen 27 december Ao. etc. 63. Original paa Papir med Udskrift til Hertug Hans og Segl (det danske og det saxiske Vaaben). Paategning: Koniginne bittet f. g. wolle den baumeister nach Droninburgk vorleuben. Jtem einen greber belangend. Paa en indlagt Seddel: Auch freundtlicher geliebter bruder, mugen E. l. wissenn, das wir einen graber so ein Pommer vnd wolicher von jugendt vff Zu der arbeit gehallten worden, den wir gebraucht vnd in seinem geschefft vorstendig vnd aufrichtig befunden. Weil wir nun denselbigen mer theils vmb E. 1. willen bisher vfgehallten, So wirt vns E. 1. zuberichten wissen, ob sie denselben auch brauchen zu lassen vnd ob wir E. 1. zu gutenn jne anhallten lassen sollen., Datum vt in literis.
