162
107. Vnsern muterlichen willen in trewen vnd Ehren zuuor. 1564, 17 Januar. Durchleuchtiger furst, freuntlicher geliebter sohn. Wir haben E. L. schreiben die Erbtheilung, so sie zwischen derselben brudern hertzog hanssen zw Schleswig Holstein etc. vff negst kommenden Sontag zu Flenszburg vorzunemmen vnd zuuorgleichen etc., empfangen vnd seines ferrer Inhalts allenthalben vormerckt. Vnd sollen E. L. wissen das wir wollen hochgedachtem Jrem bruder vorlaubenn vnd zulassen vff angemelte zeit vnd stat vormittelst gotlicher gnaden zuerscheinen, E. L. bruderlicher befurderung vnd getrewen vorschubs, desz sie sich in Jrem schreiben erbieten, im besten vortrawen gewertig zusein. Wie wir vns auch vor vnser person keines argen vorsehen vnd wissen sollen, das E. L. als der Christliche Konig Jn bedacht gotlicher vorwantwortung vnd schuldiger liebe Jres geliebten Jungsten bruders bestes meinen vnd jm werck greifflich erzaigen werde, Darzu der allmechtige Got, dessen allmacht, wie der prophet sagt, raht vnd that in seinen henden hat, gnad geruhe zuuorleihen. Vnd als wir vor dieser Zeit in meinung gestanden vnser haus Sonderburg in ietziger desselben gelegenheit zubesuchen, So hat vns aber diese vorhinderung bisher abgehalten, das wir vns namlich E. L. eilenden zuruckzugs hieher taglich vormutet, Vnd werden nun ietzo durch E. L. vnuorsehenlich vffziehenntt vorursacht gemelte reis vorzustellen. Vnd weil wir dan aus vnser einfalt konnen finden vileicht E. L. gelegenheit kunfftig nit zusein in gegenwertigem Jrem kriegswesen vmbschweiffig zuraisen vnd vns zubesuchen, Wie wir doch E. L. hertzlich vnd muterlich gern alhier sehen, So wollen wir derhalben vnser ziehent dahin richten, damit wir E. L. von Sonderburg ab mit gots hilff dannocht noch in dieser anwesenden zeit zu Flenszburg muterlich anzusprechen vnd dieselb sunst nit zubeschweren, Dan E. L. den geliebten sohn zu vilmaln zusehen sein wir begirig. Wolichs alles wir E. L., die wir gots schutz empfelhen, hinwider nit wolten pergenn. Datum Coldingen 17 Januarij Ao. 64. Dorothea von Gots gnaden Konigin zu Dennemarck etc. Geborn zw Sachssen Widtwe. etc., Dorothea. Orig. paa Papir med Udskrift til Kongen og Segl (det danske og det saxiske Vaaben). 108. 1564, i Begyndelsen af Februar? Auch freundtlicher geliebter Sohne. Wie betrubt vns all vnser hertz gemuht vnd gedancken wordenn, Jn dem wir in erschrockliche erfarung gelangt, das E. 1. gar balde von den Jren vff der hierschiacht bey Flensburg erschossen vnnd entleibet worden,
