163
Das konnen E. 1. nit gnugsam sohnlich ermessen, Wolicher massen vnser muterlich hertz zur betrubten bewegnus gereicht. Wir konnen aber dem lieben Got nimmer gnugsam danckenn, Das Seine gotliche allmacht E. L. gleichwol gnediglichen beschutzt vnd das wir E. L. als den freundtlichen geliebten Sohne ohne vorletzt vnd vor so erbarmlichen entleiben got lob gefristet wissen. Es pfleget aber der liebe got offtmaln die freude mit dem Kreutz dergestalt zuuormischenn vnd zu mesigen, damit man seiner nit vorgesse. Wir bitten demnach E. L. gantz muterlich, die wollen sich hinfurter wol vnd vornunfftiglich vorsehenn vnd aus solichem bosen zustannde ein warunge nehmmen. Wie wir Dann nit zweiffeln, E. l. die gottliche allmacht nebenn vns vmb ewige vnd zeitliche wolfart anruffen vnd biten werde. Das gereicht derselben zu bestem vnd vns zu hochen freuden. Datum vt in literis. Originalt Tillæg til et Brev fra Dronning Dorothea til K. Frederik II. Til hvilken Tid dette Tillæg bör henföres, kan neppe bestemt afgjöres. Efter Registre og Tegnelser over alle Lande opholdt Kongen sig i Flensborg 22 og 28 Januar og 12 October 1564, samt 11 til 19 Juli 1566. 109. 1564, 17 Marts. Vnsern muterlichen getrewen willen zuuor. Durchleuchtiger furst, freuntlicher liebster Sohn. Nachdem wir aus besonderm begirlichen vorlangenn E. L. wolgehentt vnd glucklichen Zustande gern erfahren mochtenn, haben wir disen vnsern diener derhalben an E. L. geschicktt, Vnnd wunschen also von gotlicher allmacht, Es E. L. an gesundheitt vud aller anderer christlichen wolfart recht woll ergehn moge. Vnd als wir vns muterlich wissen zuentsynnen eines Banets, dabey vns E. L. allein in sohnlicher angedechtnus zuhalten, Thun wir E. L. selbige ringe gab hiemitt vbermachen, Mitt freuntlicher bitt, ob dem langen vorzug vnnd das wir vnser vngelegenheitt halber darzu zeittlicher nit kommen konnen, Kein vordries zuhabenn, Vnd vns Jr glucklich wesenn hiemitt anzukundigen, Daran erzeigtt vns E. L. Ein sohnlich wolgefallenn, Vnd thun dieselbige gottlichem gnadenreichenn schutz treulichst empfelhen. Datum Coldingen den 17 Marcij Anno etc. 64. Dorothea von Gots gnaden zw Dennemarck Norwegen etc. Konigin, Geborn zw Sachssen etc., Hertzogin zw Schleswig holstein etc., Witwe. Dorothea. Original paa Papir med Udskrift til Kongen og Segl (det danske og saxiske Vaaben). 110. 1564, 17 Marts. Durchleuchtiger furst freuntlicher liebster Sohne, E. L. sey vnser muterlicher getrewer grus zuuor. Vnnd geben dabey E. L. freuntlich zuwissen, das vns der Erbar I B. 3 H. (1854). 21
