167
E. L. gnugsam einzurahten, Jst vnser wol zuuorgessen. Doch bitten wir muterlich, E. L. wollen sich vnser hieuoriger suchung nach vff die welt nicht vorlassenn, vnd sich Jrem Reimen: Jch Sweig wol aber etc. gemesz vorhalten vnd besser zu nutz machenn. Auch wolle E. L. vns Jr wolgehentt vnnd sohnliche gelegenheitt hiemit vortraulich eroffnen. das vorstehn wir zu muterlichen danck Jn angeborner trew zuuorschulden. E. L. thun wir hiemit Eines Rhats zu Braunschweig schreiben den begerten predicanten belangent zuschickenn, Vnd beuelhen dieselb gottes gnadenreichenn schutz. Datum Coldingen den Sontag in h. ostern Anno etc. 64. Dorothea von Gots gnaden zw Dennemarck, Norwegen etc. Konigin, Geborn zu Sachssen etc., Hertzogin zw Schleswig, Holstein etc., Witwe. Dorothea. Orig. paa Papir med Udskrift til Kongen og Segl. 112. 1564, 10 April. Durchleuchtiger furst, freundtlicher hertzlieber sohn. E. 1. sey was wir in ehren guts vormugen zuuor. Wir werden hochlich vorursacht E. L. mit disem vnserm schreiben muterlich zubesuchen, In dem vns vnser alter getreuwer diener Goske brockenhus beuelchs brieffs gezeiget von E. 1. an Jne ergangen, des Inhalts, das er den Ausgeordneten schiffen beywonen solt. Nun mogen wir E. L. freundtlich nit pergen, das wir sein ehlich beyleger mit vnser jungfer Anna Wenstermans vff ietzkommenden Sontag Misericordia alhier mit gottlicher vorleihung zu halten angestelt, Vnd zu solicher gelegenheit vil von der Freundschafft vnd Adel vorschreiben vnd fordern lassen, Also das weder wir noch er von gerurter E. 1. meinung gewust, Sondern Jm ist der beuelch zu spat vnd vns erst in dato gewisenn worden. Wan vns dan vnmuglich ist, die Eingeladene in so groser Eyl widerumb abzuschreiben, vns auch von jnen schimpflich mocht gedeutet werden sie zu uorgeblicher reis zubewegen, So haben wir vns darumb auch aus andern noturfftigen bewegnussen gemechtiget, gemelt beyleger vff angeordnete zeit vor sich gehn zu lassenn, zweiffeln auch gentzlich nicht, E. 1. werde in diser bitt als der hertzliebe sohn mit vns sohnlich zufriden sein, vnnd vns der Mutter zu besondern ehren den schimpff, so vns von den Eingeladnen vffgewurckt werden mochte, nicht gonnen, Auch gemelten vnsern diener nit allein gnedigst entschuldiget haben, sondern sein stat durch andere lassen vortretten, Angesehen das E. 1. solichs leichtlich thun konnen. So erbieten wir vns hinwider zu allermoglichen willfarigkeit, Vnd erspiren dabey E. 1. sohnlich wilfarig hertz gegen vns vnd damit sich vnser diener aller gnedigster forderung zugetrosten, Bitten wir E. l. vorschriben antwort hiemit gantz muterlich vnd ersuchen E. 1. nochmals zum freundtlichsten diser
