169
Arnsbock vorwiszen, Also auch ist vns seltzam, Das E. L. vns derhalbenn mit einicher erinnerung Jrer gegebner brieff vnd sigel vnd andern vnnotigen bewegnussen schrifftlich belanget. Dan E. L. sich ye vornunfftiglich wissen zuerinnern, wie hoch sich derselben freuntlichen lieben bruders hertzog hanssen Erbthumb erstrecket, vnd wie es des Klosters Arnsbock einkunfft vnd gelegenheitt erleiden konne, weil dasselbige schulden halben schier vffs new zukhauffen, frembde, sonderlich junge starcke leutt, wie diser Trabandt ist, zuerneren. So hat es auch mit den vorschreibungen, die E. L. herr vnd vatter Christseliger milter gedechtnus zeit Jrer L. vnmundigen brudern gegeben vnd E. L. in Jrem schreibenn angezogen, vil ein andern bescheidt, dan E. L. Jr desfals einbilden lassen. Es konnen sich E. L. auch derenthalb leichtlich selbst erinnern, Also das wir soliche Freiheitt erwendter vorschreibungen hiemit nit erkleren dorffen. Nun sein wir, ohne rohm, geneigt, haus Armen leuten nach gelegenheitt zu helffen, vnd hetten hierin auch mitt dem Trabandten ohne E. L. vorbitt oder erinnerung ein gnedigst mitleiden vnd erbarmen. Wan er aber sambt seinem weib jung vnd starck vnd das taglich brott wol zuerwerben, Musten wir vns darumb einer sunden forchten. Zudem So ist E. L. got lob des koniglichen vormugens, das sie Jrer diener halben andere nicht zubeschweren. Derhalben haben wir es bey vorigem Jme gegebnen bescheid gentzlich wenden lassen, Vnd bitten muterlich E. L. wolle vns mit solichen rawen vnfreuntlichen schreiben, die der teuffel als ein listiger boser geist durch seinen saumen erwecket, sohnlich vorschonen vnd derselbenn geliebten bruders, Auch vnser gelegenheitt, Das wir seine L. nit ohne bekhostung bey vns bisher gehabt vnd ferrer haben, sohnlich vnd im besten vormercken. Das stehet E. L. wol ahn, Vnd wir sein derselben als dem gelipten sohne in muterlichen trewen vnd ehrenn zu dienen mer dan begirig. Thun auch E. L. dem allmechtigen empfelhende. Datum Coldingen den 21 Aprilis Anno etc. 64. Dorothea von Gots gnaden zu Dennemarck Norwegen etc. Konigin, Geborn zw Sachssen etc., Hertzogin zw Schleswig Holstein etc., Witwe. Dorothea. Orig. paa Papir med Spor af Segl og Udskrift til Kongen. 115. 1564, 26 April. Durchleuchtiger furst freundtlicher lieber sohn. E. 1. sey vnnser angeborne trew vnd alles liebs zuuor. vnd geben E. 1. dabey muterlichen zu wissen, das wir derselbenn hiemit ettliche ringschetzige federn zum panet vbermachen, Vnnd bitten E. 1. wollen soliche nit vorschmehen, Vnd allein dabey vnser muterlich einfaltig wolmeinen abnemmen vnd erkennen. Vff E. 1. hieuorig schreiben, das sie vormittelst gottlicher gnaden dise ortter zu beruhren, haben wir vnsere bottschafft zu Arhaussen gehabt, weil
