170
aber vnser zuuorsicht in dem gefelhet, Mochten wir doch gleichwol gern E. 1. einsmals diser gegent sehen, Wunschen auch von got dem allmechtigen ein solichs, das es ohne E. 1. vorhinderung vnd geschefft fridlich vnd glucklich zugeschehen, Vnd wollen vns muterlich vorhoffen, wan E. 1. bottschafft gestattet, die werde vns mit Jrem sohnlichen grus schreiben. Beuelhen hiemit E. 1. dem allmechtigen Gott. Datum Coldingen den 26ten Aprilis Ao. etc. 64. Dorothea von gotts gnaden konigin zu Dennemark, Norwegen, Geborn zu Sachssen etc., widtwe. Dorothea. Orig. paa Papir med Udskrift til Kongen og Spor af Segl. 116. 1564, 1 Mai. Durchleuchtiger Vnsern muterlichen willen in trewen vnd ehren zuuornn. Furst, freuntlicher geliebter sohn. Brieffszeiger der Erbar heinrich dickerts, so sich vor ein Rittmeister vorlauten laszet, soll von hendeln sagenn, die vff vnser seitt in lifflandt nutzlich sein vnd zu abschaffung der widerwertigen dienen sollen. Weil wir aber seine Anschlag nicht gehortt, Hat er vnderthenigst gebetten Jne vmb meren zutrits an E. L. zuuorschreiben, Das wir hiemit gnedigst thun wollen, Vnd wirt E. L. Jrer gelegenheitt nach bey Jme woll ferrer erkundigung thun lassen. Gott beuolhen. Datum Coldingen den 1 Maij Anno etc. 64. Dorothea von Gots gnaden Konigin zw Dennemarck Norwegen etc. Witwe Orig. paa Papir med Udskrift og Segl (det danske og det saxiske Vaaben). 117. 1564, 1 Mai. Vnsern muterlichen getrewen willen zuuor. Durchleuchtiger Furst, freuntlicher geliebter sohn, Ob wol E. L. in gegenwertigem Jrem Kriegs zustande vnd wesen mit vilheitt der geschefft billich vbersehen vnd nit beschwert werdenn solt, So sein aber derselben freuntlichen lieben bruders hertzog Magnussen etc. Stifft, vnderthonen vnd hendell in der massen beschwerlichen vnd vorderblichen bedrang, Das wir vns erstlich aus eingeborner trew, als die E. L. vnd all vnser hertzlieben kinder ewigen vnd zeitlichenn vndergang gern vorhutett sehen, Vnd dan auch aus muterlicher vns von Gott gegebner hoheit vngescheucht gemechtiget mit diser schrifft E. L. freuntlich zubelangenn. Vnd wie E. L. vor diser zeitt der feindtlichen Schwedischen vber ziehung in der wieck vorstendiget, Also auch haben sie aus diser Jngelegter Copei der Supplication, So gemeine Stende der Stifft Ozell vnd wieck ietzo bey Jorg Fitinghoff vbermacht, gleichmessigem bericht zuempfahen vnd dabey zuuornemmen, Wes vberfals,
