181
liche bewuste werbungk gemeltem licentiaten vntzelman vnsere erclerung vormeldet, wie E. Ko. Dcht. von Jm solichs ferrer erfahrenn werden, Vnnd haltens vor vnsere person demnach dauor, Wann ettwann weiters hierin vorgenommen werden solte, das dise sach dem durchleuchtigsten groszmechtigen Fursten hernn Friderichen Konigen zw Dennemarcken etc. vnserm freundtlichenn lieben herrn Ohemen als dem Eltisten brudern vnd Regierenden herrenn zuberichten, Vnd seiner Ko. W. meynung vnd Rhat hierin zuhören. Vffs vleisigst bittende, E. Ko. Deht. wollen dise erclerung vnd vnser schreiben nicht anderst, als es gemeint, dan freundtlich vormercken, Vnd thun hiemit E. Ko. Dcht. vnd derselben vorwandten dem Schutz des allmechtigen empfelhen. Datum Colbalz den 19 Julij Ao. 64. Von gotts gnaden Barnim der Elter, hertzog zu Stetin Pommern, der Cassuben vnd Wenden, Furst zu Rugen vnd Graff zu Gutzkow. Bernijm hertzog manu propria subscripsi. Paategning: „Einkommen Coldingenn denn 29 Julij Ao etc. 64". Samtidig Afskrift indlagt i Enkedronningens Brev af 29 Juli 1564. 124. 1564, 18 August. Vnsern muterlichen grus vnd was wir in desselben tr[ewen] ehr, liebs vnd guts vormugen zuuorn. Durchleuchtiger F[urst], freuntlicher geliebter sohn. Wir mugen E. L. freuntlich [nit] pergen, das wir diser tagen von dem Churfursten zu sach[ssen] vnd S. L. gemahl vnser geliebten Tochter Bottschafft [be]kommen, vnd Schreibt vns Jre L., Das E. L. sie vnnd Jren hertzlieben hernn an sich vorschriebenn, Vnd bittet tochterlich, das wir bey solicher zusamenkunfft zu noturfftig[er] Jrer L. beredung auch sein wolten. Nun horenn wir soliche gelegenheit darumb gern, das wir vns so eines fehren wegs, den wir sunst nach dem Land zu Meissenn angestalt, mogen entnemmen konnen. Weil vns aber nicht bewust ist, wan oder wahin E. L. obgedachte Liebdenn bescheidenn, So bitten wir muterlich, Wan es sein mag, E. L. wollen vns den tag vnd die stedt, so sie derselben geliebten schwester der Churfurstin gewislich gewertig sein, bey gegenwertigem zu vnser nachrichtung vnbeschwert freuntlich zuschreiben vnd vns daneben Jr gluckliches kriegswesen vnnd gesuntheitt anmelden. Das vorschulden wir vmb E. L. den geliebten sohn muterlich gern, Vnd thun dieselb gott befelhenn. Datum Arnsbock den 18ten Augusti Anno etc. 64. Dorothea von Gots gnaden zu Dennemarck Norwegen etc. konigin, Geborn zw Sachssenn, Hertzogin zw Schleswig Holstein etc., Witwe. Dorothea. Original paa Papir, noget beskadiget, med Udskrift til Kongen og Segl (det danske og det saxiske Vaaben). 23*
