183
wir durch Gottes gnad an E. L. ein getrewen lieben sohn haben, Vnd vnsere lugner noch hiezeitlich jren vordienten danck empfahen werden, Dan der heylige prophet spricht: Harr, dan mit deinem eigenen augen wirst du sehen, Wie es dem gotlosen vorgolten wirt. Daruff bitten wir nun E. L. muterlich, die wolle vns alles vordachts, so sie einichen geschepfft, sohnlich entheben vnd dardurch Gotts zorn nit vff sich laden, So ist vnser muterlich hertz gegen E. L. vnd all vnsern geliebten kinder zu ewiger vnnd zeitlicher wolfart gemeindt. E. L. wolle solichs von vns im besten vorstehn, vnd hiemit jr gesuntheit vnd sunst glucklich wesen bey disem vnserm diener vns vormelden. Das Begern wir freuntlich zuuorschulden. Got befolhen. Datum Coldingen den 4ten Septemb. Anno etc. 64. Dorothea von Gots gnaden zu Dennemarck Norwegen etc. Konigin, Geborn zu Sachssen etc., Hertzogin zw Schleswig Holstein etc., Witwe. Dorothea. Paategning: Productum Friederichsburgk den 9. Septembris Aº. etc. 64. Orig. paa Papir med Udskrift til Kongen „zu jrer 1. eigen handenn" og Segl. 126. 1564, 27 September. Vnser muterliche trew zuuor. Durchleuchtiger furst, freuntlicher geliebter sohn, Nachdem vns E. L. alhier vff der naheit gewesen vnd vber vnser gefaste zuuorsicht vorbey gezogen, Mussen wir solichs E. L. wichtigen geschefften vnd vorhinderung zumessen, das vns E. L. also der nahen vorwandtnus nach nit sohnlich heimgesucht, Vnd werden nun abermals getrungen E. L. hiemit der Segenbergischen angestelter zusamenkunfft halben zubelangen, Jn dem wir gern wissen wolten den tag vnd wahin E. L. den Churfursten eigentlich vorschrieben, damit wir vnser gelegenheit vnd ausreis von hier darnach zurichten. Bitten derhalben freuntlich, E. L. wolle sich dessenn sohnlich nit beschweren vnd vns soliche gewisse gelegenheit bey zeigern zu schreiben. Das begern wir vmb E. L. muterlich zuuorschulden. Datum Coldingen den 27ten Septemb. Anno etc. 64. Dorothea. Dorothea von Gots gnaden zu Dennemarck Norwegen etc. konigin, Geborn zu Sachssen etc., Hertzogin zw Schleszwig Holstein etc., Witwe. Original paa Papir med Udskrift til Kongen og Segl (det danske og det saxiske Vaaben). 127. 1564, 10 November. Wir Dorothea etc. Empieten dem durchleuchtigen fursten vnserm freuntlichen geliebten Vettern herrn Erichen dem Vierzehenden zu Schweden der Wenden vnd
