186
suchen gemesz ge[thon] werde, Mochten wir E. L. hinwider nit bergen, Vnd beuelhen dieselbige Gotts gnad. Dat[um] Coldingen den 24ten Nouemb. Anno etc. 64. Dorothea. Dorothea von gotts gnaden Konigin zu Dennemarcken Norwegen etc., Geborn zu Sachssen etc., Wittwe. Paategning: Der Konigin schreiben den bewilligten Niburg den 28 Nouemb. Anno etc. 64. schatz belangend. Productum Orig. paa Papir, noget beskadiget, med Udskrift til Kongen og Segl (det danske og det saxiske Vaaben). Paa en indlagt Seddel: Auch, freundtlicher geliebter Sohnn, Jn acht tagenn werden die huot fertig, So sollen sie E. 1. zu sambt den Kytin latwergin vberschickt werden. Datum vt in literis. 129. 1564, 7 December. Vnsern freuntlichen grus vnd was wir in muterlichen trewen ehr, liebs vnd guts vormugen zuiederzeit zuuornn. Durchleuchtiger Furst, freuntlicher geliebter Sohn, wir werden aus Christlichem Mitleiden vnd erbarmen gemeiner Klag, So von wegen nit nemmung der Klipling von Armen Leuten gantz flehendt geschicht, hochlich vorursacht E. L. hiemit zuuormelden, das wir durch vnsern Ambtman alhier vnnd Bey den Hers vogten in vnserm gebiete die ernstliche vnd betrauliche bestellung ergehn lassen, die vorordnete Klipling ohne alle wegerung, wie soliche von E. L. vor Jhren wehrt gemuntzt, zunemmen, Vnd das wir bey all den vnsern allen gehorsamen willen befunden haben. Also wa sünst in dem gantzen Konigreich gleicher gestalt darob gehalten vnd von der Riterschafft auch andern Stenden bisher nit in so widersessiger vbertretung vnd nithaltung E. L. gepotts gehandlet worden were, Solte gewislich nit geringer schad auch zuruckgang gemeiner wolfart vorhüttet worden sein. Dieweil aber, freüntlicher geliebter Sohn, die zeit her die Klipling Jm gang geweszenn, von den Furnembsten Stenden nit geringe vngleicheit auch allerhand vbersetzung vnd Eigenutz begangen worden, Also das man von den Armen Baueren soliche Müntz gar nit nemmen will oder wa sie mit grösem gebett erhört, sie doch ettwa vier oder mer Klipling vor ein daler geben musen vnd dieselbe sünst anderer gestalt vnd vmb den gepurlichen gesetzten wert bey den Burgern selten ausbringen konnen, vil weniger beym Adell, das derhalben von der Armüt ein gemeine Klag ist, Wolichs dan auch ye beschwerlich, das allein etliche vnnd namlich die Arme Leüt soliche Müntz allein nemmen vnd dieselbige nit wider, wie sies empfangen, ausgeben vnd vorhandlen sollen. Zu dem auch, da gleich die Frembde Kaüffleüt, So vmb gemeiner Communication willen hierin wandern, soliche Muntz gern nemmen, So wirt doch dieselbige von E. L. eigen vndersassen, von den die
