187
handels leut widerumb Korn oder andere wahr Kauffenn gantz vorschmacht vnd nit geacht, Vnd sein sunst diser Muntz halben andere mehr vnmessliche vngepur, die eigentlich disem ietzigen Krieg nit geringen Mangell auch Mercklichen Schaden disen Konigreichen vnd armen vnderthonen gebracht vnd in grund zu entlichem vndergang vnd vorderb, gott erbarms, dienen, Dan E. L. wissen aus Koniglichem vorstande, das Land vnnd Leutt mussen durch gemeine geselschafft Auch gleich vnnd recht erhalten werden, dagegen doch in disem handel gar das widerspil gehalten wirtt. Wan wir es nun mit E. L. als dem geliebten Sohne auch derselben Konigreichen Land vnd vnderthonen recht treulich vnd wolmeinen vnd nach vnserm einfeltigen vorstand vnd eusersten vormugen merem vnheyl gern vorgepawet sehen, So were vns hertzlich leid, das diser ietzigen vnordnunge, der Muntz halben erwachssen, ferrer zugesehen werden solt. Es wurde E. L. auch vnsers besorgens vor gotts gerichtt darumb mussen schwere rechnung geben. Vnd bitten darumb E. L. vffs freuntlichst vnd muterlich, E. L. wolle mit derselben weisen Rehten das Christlich vnd billich einsehen haben, Auch die mittell vnd wege vortsetzen, damit so wol der geringe als der hohe Stand bey der gleicheitt gehaltenn vnd keiner vor dem andernn vortheil haben moge, So bricht gemeine Burdin niemant den Rücken, vnd solichs gereicht gott zu dienst vnd E. L., derselben Konigreichen vnd vnderthonen zuuormerungk. Das Konten wir also E. L. muterlich nit pergen. Thun dieselbige gotts gnad empfelhen. Datum Coldingen den 7 Decemb. Anno etc. 64. Dorothea von Gots gnaden zu Dennemarck Norwegen etc. Konigin, Geborn zu Sachssen etc., Hertzogin zw Schleswig holstein etc., Witwe. Dorothea. Orig. paa Papir med Udskrift til Kongen og Segl (det danske og det saxiske Vaaben). Paa en Seddel: Auch freuntlicher geliebter sohn. Wir vberschicken E. L. hiemit die bewuste huot vnd hat wahr an vnser vleisiger bestellung nit gemanglett, Aber von wegen dises feüchten wetters haben sie nie nit ehr khonnen trucken werden. Dessgleichen hatt E. L. dabey das zugesagtt quitwm Latwergen zuempfahen, Mit freuntlicher bitt E. L. wolle damit vorlieb nemmen. Datum vt in Literis. 130. 1564? Bey vnserm geliebten sohn Konig Friderich des oxssen zollen halben alhie zw Coldingen zugedencken vff diese meynung, Das Jre L. ab der newerung, das man namlich nu van Jedem bar drey daler gibt, gantz kein vortheil haben konne, vnd diesem I B. 3 H. (1854). 24
