189
vnns leisten sollen, Was sie vnns zugesagtt. Das begernn wir auch vmb Se L. muterlich zuuerschuldenn Vnnd solichs gereicht Sr L. selbst zum bestenn. Dorothea. Original paa Papir. 131. 1565, 30 Januar. Was wir in muterlichen trewen ehr, liebs vnnd guts vormugen zuuorn. Durchleuchtiger Furst Freuntlicher vilgeliebter sohn. Wir haben E. L. letzstes widerschreiben Jn sachen E. L. freuntlichen geliebten brudern Jung Hertzog Hanssen Belangent zu vnsern handen empfangen Vnd befinden daraus, das vnser beschehen schreiben E. L. seer vnderaugen geht vnd hefftig bewegt hat, Wolichs vns dan hertzlich weh thut, das wir E. L. zw einichem abgeneigtem willen reitzen sollen. Haben auch niemals gern darzu vrsach geben, vilweniger das wir E. L. in ietziger zeit gelegenheit beschweren solten, Sondern wir leisten E. L. dem geliebten sohne allwegen nach vormugen aus muterlichem getrewen gemuthe gern das ihenig, So derselben dienstlich vnd lieb ist, Wie wir es dan mit dem erkunder aller hertzenn zeugen vnd vns dessenn vil zeugnis geben mus. Nun aber mussen wir dannocht bekhennen, Das Hertzog Adolffs zugeschriebner bericht, als das er sich mit E. L. insonderheit verglichen, vns allein bewegt hatt dermaszen scharpff, wie es E. L. vfgenommen, zuschreibenn. Dan vns ist eingefallen, da E. L. Jr anpart gedachtem Hertzog Adolffen solten vbergeben haben, das dannocht E. L. geliebter Bruder Hertzog hans aller gelegner sachen halben darzu vil neher were. Nun aber sich es dannocht anderst befindett, Befrembtt es vns nit wenig, Das Hertzog Adolff vber sich nemmen darff, dermassen wie geschehen, so Keck von sich zuschreibenn vnd vns an E. L. zuweisenn, Wolichs dan aller der gedult vnnd zeitt zubeuelhenn etc. Wan nun aber, freuntlicher geliebter sohn, Jm grund vnser will, gemuht vnd meinung nit ist E. L. zunotigen noch in dieselb zudringen, vnd vns hertzlich wehe thet, Da E. L. gegen vns oder Jrem geliebtem brudern Jung Hertzog hanssen in feindschafft sthen solte, Auch die gantze haubtsach allein aus obgemeltem Miszuorstande hergespunnen, So bitten wir muterlich vnd freuntlich, E. L. wolle allen Argwohn vnd vnwillen, So E. L. Jr Jmmer geschepfft haben mocht, gegen vns als der mutter vnd Jren brudern sincken vnd es bey hieuoriger liebe freuntschafft vnd gutem vertrawen bestendiglich pleibenn lassen, Auch gemelten Jren brudern in Bruderlicher gunst haltenn. Daran geschichtt gott dem allmechtigen, als der dise nahe vorwandtnus ye vnuorruckt habenn will, zubesonderm wolgefallenn. So soll E. L. an vns alle zeit auch ein getrewe liebe Mutter habenn vnd Jm werck nit anderst befinden, Wolichs wir E. L. hiemit aus 24*
