191
E. 1. wolle numer betrachten, Das dem Edlen friden hie zeitlich nichs vorzusetzenn, Vnd das der krieg ein rechte Grundsup alles vnglücks sey, Wie wir dan leider befunden, vnd billich hinder sich dencken sollenn. E. L. wirt solichs von vns, als der Muter, die es gern recht vnd zum bestenn vf E. 1. seiten sehe, in gutem vormerken Vnnd zu gott dem allmechtigen neben vnns mit rechtem ernst vnnd Eyffer vmb frid vnnd ruhe flehen vnd ruoffen, Wie wir gentzlich hoffen E. 1. thun werde. Das gereicht zu allem guttenn, Vnnd wir befelhenn E. 1. dem liebenn Gott zu ewiger vnd zeitlicher wolfahrt. Mochten wir E. 1. freundtlich nit bergen. Datum Coldingen denn 1 Februarij Ao etc. 65. Dorothea. Dorothea von Gotts gnaden Konigin zu Dennemarck, Norwegen, der Wenden vnd Gotten, Geborn zu Sachssen etc., Widtwe. Paategning: Der Konigin zu Coldingen schreiben Fridtshandlung betreffend. Productum Helsingor 9 Februarij Anno etc. 65. Original paa Papir med Udskrift til Kongen og Segl (det danske og det saxiske Vaaben). 133. 1565, 25 Februar. Durch- Was wir in muterlichen trewen ehr, Liebs vnd guts vormugen zuuor. leuchtiger Furst, Freuntlicher geliebter sohn. E. L. bruder vnser auch geliebter sohne Hertzog Magnus etc. zusambt derselben Armen vnderthonen haben vns bey Jrer Bottschafft ietzo abermals Jren betruckten Ellenden zustande zuerkhennen geben, Mit vleisiger vnnd vnderthenigster bitte sie auff dise weis an E. L. mit gnaden zuuorschreiben, Wie E. L. die meinung aus der gemeinen Stende schreiben, so sie an E. L. gethon, hiemit zum theill finden werdenn. Ob wir nun wol E. L. vngern beschwern, wie wir dan der ding vil lieber vberig sein mochten, Dannochtt aber, weil sie vns mit solichem vleis bittenn, wusten wir vns dessen nit zuentschlagen, Vnd bitten daruff mit freuntlichem vleis, E. L. wolle sich der gepur nach erzeigen vnd disz vnser suchen Jm besten vormercken, Auch wesz man sich zugetrosten dasselbige vns bey zeigern zuschreibenn, damit wir dasselbige widerumb an die arme Leutt mogen gelangen lassenn, das begern wir vmb E. L. muterlich zubeschulden. Auch bitten wir E. L. muterlich, E. L. wolle Walckendorffs scharpff angemast schedlich regiment abschaffen, vnd weil E. L. bruder sein vaterlich Erbtheill gentzlich gegen die Stifft ozel abgetretten, die bestellung thun, das seine L. desselben Landes ohne verhinderung vehig werden vnd daruff wonen moge. Jre L. sein ietzo in die zwey ihar hieausen gewesen vnd die Stifft jm wenigsten beschwertt, aber es ist dannocht alles verzertt, vnd da Sein Hertzog Magnussen Lieb ietzo sich in Churland nit
