192
Jamerlichen erheilten, Musten sie armut halben das Land verlassen. Walckendorff helt vor sein person zwen vnd zweintzig diener, vnd dagegen als hertzog Magnusz etliche wenige diener nach Arnsburg zum winterleger verordnett, Sein dieselbige verwiszen worden, Vnd jn summa S. L. sein des orts nit mer dan ein frembling geachtett, das dannocht erbarmlich ist. Vnd ob wir woll schulde haben, das Walckendorff erstlich hinein kommen, Aber es ist noch nit zuspatt, das Jne sein vntrew bezal, vnnd abgesetzt werde. E. L. wolle sich hierin auch der gepur nach erzeigen, darumb wir freuntlich bitten, Vnd beuelhen E. L. gotts schutz. Datum Coldingen den 25 Februarij Anno etc. 65. Dorothea. Dorothea von Gots gnaden zu Dennemarck Norwegen etc. Konigin, Geborn zw Sachssen etc., Hertzogin zu Schleswig Holstein etc., Witwe. Orig. paa Papir med Udskrift til Kongen og Segl (det danske og det saxiske Vaaben). 134. 1565, 4 Marts. Durch- Was wir der verwandtnüs nach ehr, liebs vnd guts vormugen zuuor. leuchtiger Furst, Freuntlicher geliebter sohne. Was vns E. L. vf vnser fridsam befurdern zu einer widerantwort zukhommen lassen, das haben wir allenthalben zur noturfft eingefast, Vnd mogen nit vnderlassen, E. L. daruff hinwider zuuormelden, Das wir zu disem Krieg niemals zuneigung getragen, Sondern denselben nach vnserm vormugen E. L. verhast gemacht, Vnd alle zeit gott treulich gebeten haben, Mittell vnd weg zuuorleihen, Damit solichem beschwerlichen Krieg abgeholffen, Auch blutuergiessenn vnd verderb armer vnuerschulter Leüte verhüttet werden mocht. Dan dieweyll all E. L. geliebte vor Elter, Alt veter vnd vater seliger gedechtnus, Auch E. L. selbst, all Jr hocheitt, gewalt vnnd wolfart von disen Konigreichen empfangen, Wir auch nit weniger zu disen reichen durch gotts gnad ein gesalbte Konigin worden, zudem in vnser Kronung zu Gott schweren mussen, diser Konigreich lob, ruhe vnd frid vortzusetzen vnd zubedencken, So hat vns je nit anderst gepuren wollen, solichs mit dem werck zubeweyszen, Vnd darumb, das vnser gewissen allerding frey sey, haben wir zu schuldiger bekentnus vnd dancksagung aller empfangner wolthaten das vnser gethon Vnd zu dem zweiten mal an den konig zu Schweden vmb friden geschriebenn, Vnd sein allezeitt in hoffnunge gestanden, da der ander theill, als halsstarrig, zubewegen sein mocht, E. L. wurde an Jr auch nichs entsein lassen. Weil es vns nun durch gotts gnad gelungen, vnd gemelter Schweden Konig billiche fridliche handlung Leiden mag, Wie er dan clarlich zuerkhennen gibtt, E. L. aber Jre eigne gedancken hat vnd verratsam ansehen, Wir vnsere reis einstellen mochten, Lassen wir es gantz gern geschehenn Vnd konnen gott lob dises Ellenden beschwerlichen vnd weiten zugs nach Schweden woll vberig sein Vnd numer
