193
mit gutem gewissen gute tag haben. Dan gott weist es, das vnser angebottner dienst aus Keiner vorwitz oder rohmretigkeitt, Sondern gemeinen bestes vnd obgedachter bewegnus halben hergeflossen. Wir wollen nun die sachen hinfurter vor vnser person gentzlich verpleiben Lassen, Vnd soll E. L. woll sicher sein, das wir vns nicht mer gelusten laszen werden, vns einicher muhe in diser handlung zu vndernemmen, Dieweill E. L. wie aus derselben schreiben vermerckt, bessern raht wissen. Darzu wir dan E. L. von gott gluck heyll vnnd alle christliche wolfahrt wunschen, vnd demselben E. L. hiemit gantz muterlich empfelhenn. Datum Coldingen den 4 Martij Anno etc. 65. Dorothea. Dorothea von Gots gnaden zu Dennemarck, Norwegen, etc. Konigin, Geborn zu Sachssen etc., Hertzogin zw Schleswig, Holstein etc., Witwe. Paategning: Der Fraw Mutter schreiben die vom schweden eingewilligte fridtshandlung, deren sich ir ko. g. zuenteussern erbeutt belangend. Productum Buringen den 15 Martij Anno etc. 65. Original paa Papir med Udskrift til Kongen og Spor af Segl. 135. 1565, 12 Marts. Wir haben E. 1. mutterlich schreiben den 25 februarj datirt, Jn dato bey zeigern empfangen vnd verlesen lassen. des seindt wir auch daneben von vnserm diener doctor Jheronimo Thenenr(?) etc. der hendel, so E. 1. an jhn schreibt, vnd sonst anderer gelegenheit auch bericht worden. Wolten druff derselben zu sohnlicher anthwort widerumb nit verhalten, das E. 1. Ja wol wissen wie es vnsernthalben mit vnserm Brudern Hern Magno etc. in gleichens auch den Lifflendischen stifften geschaffen. Dan wir je souil trew vnd Bruderschafft bey Jm vnd den Stifften zugesetzt, das der wegen billich von vnsz in diszer beschwerung nit mehr zufordern. Wollen geschweigen, das vns gedachter vnser Bruder ein grothe stattliche Summa geldts noch nachstendig, welche wir billich vor lengst erlangen solten, Es wirdt aber von demselben nicht allein solcher, sonder auch ander vnsz gegebenen verschreibung ganz vnd gar vergessen, vnd wie wir dan zuuor vnsers verhalttens E. 1. auch zuuerstehn geben, Sagen wir nochmaln, das wir bejnahe leiden konten, [das wir] der Stifft ohn vnsern schaden widerumb ledig sein mochten. Wir seindt im Kurtzem bedacht an die Stende der ortter bej ejner Bottschafft, die wir zu Coppenhagen derwegen ein guter zeit her anhalten lassen, von aller gelegenheit weitter zuschreiben, vnd kan nit schaden, das E. 1. denselben auch bej jetziger Legation zu verlengerung des fridtsstandes auch rathen. wir Walchendorffs hendell betreffen wissen wir nit, wie es damit geschaffen, wollen aber bey gedachter bottschafft derwegen vnder anderm an Jnen auch ernstlich
