194
so nit schreiben ergehn lassen. Solt dan befunden werden, das er sich vf masen, zuleiden, beharrlich legen vnd vleissen wirde, wollen wir dan dahin verdacht sein, welcher maszen die vngebur abgeschafftt. Seindt E. 1. etc. An die fraw Mutter lifflendische hendel belangend. Biring d. 12 Martij 65. Registrirt. Meget utydelig og tildeels beskadiget Concept. 136. 1565, 19 April. Durch- Was wir in muterlichen trewen ehr, liebs vnd guts vermugen zuuor. leuchtiger Furst, Freuntlicher geliebter Sohn. Wir wissen schir nit, wie wirs verstehn sollen, Nachdem E. L. offtmals botschafft vnnd gute gelegenheit an vns gehabt, das sie vns Keinmall mit Jrem gruszbriefflein besucht, Wir wollen aber doch nit hoffen, das E. L. wider vns einiche vnfreuntliche gedancken Jr einbilden lassen, Jn ansehung, das wir E. L. getrewester freunde vnd wollmeinende frawmuter iederzeit gewesen vnd noch sein, Auch es ohne Rohm allezeit mit der thadt vnd den wercken bewiesen, Wie gott der allmechtige solichs weist, vnd die tagliche handlung, das wir nichs liebers dan E. L. wolfahrt sehen, ausweiset. Damit wir nun E. L. glucklichen zustande erfahren mogen, haben wir disen vnsern diener, vhnangesehen das der grusz vom Sohn her khommen soll, an E. L. abgefertigt, Mit freuntlicher bitte, E. L. vns hierin Jren gesunden vnd glucklichen zustande bey gemeltem disem vnserm diener ankhundigen vnd von Jrem Kriegswesen, so vil wir wissen mogen, zeitungen zukhommen lassen wolle, Damit wir vns des guten zuerfrewenn, Wie wir dan zu gott hoffen, E. L. werde in guter vormuglicher gesundheit sein. An dem verrichtet E. L. vnsern muterlichen willenn, Vnd wir sein derselben nach vnser geringen vermogenheit muterliche ehrerbietung zuerzeigen nit weniger willig dan schuldig. Datum Coldingen den 19 Aprilis Anno etc. 65. Dorothea. Dorothea von Gots gnaden zu Dennemarck, Norwegen etc. Konigin, Geborn zu Sachssen etc., Hertzogin zu Schleswig, Holstein etc., Witwe. Paategning: Productum Lunden den 25. Aprilis Anno 65. Klipping betreffend. Original paa Papir med Udskrift til Kongen og Segl (det danske og det saxiske Vaaben). Paa en indlagt Seddel: Auch freuntlicher geliebter sohn. E. L. wissen sich freuntlich zuberichten, das wir vor diser zeit zu abschaffung der vnordentlichen Muntz, so in den Klipling ist, an E. L. vfs vleisigst geschrieben, Daruff E. L. auch die antwort gegeben habenn, Das
