195
solichen dingen rahtlich soll nachgedacht werden. Wie verachtlich nun aber noch zur zeit gemelte E. L. Muntze die Klipling seihen, desz gibt die tagliche erfarung, Vnd ist warlich besorglich, Wa E. L. nochmals disem Jamer nit vorbawen werde, grosse zerrutung daraus entstehn. Dan sollen gemeine hendell Jm Reich erhalten werden, Musz ein eintrechtige Muntz jm schwang sein. Man weist aber vor gewisz, das vor ein Runder thaler vier vnd auch mer thaler in Klipling geben werden. Kleiner klipling bekhombt man siben mark vor ein Runden thaler alhie dises orts, aber sunst zu koppenhagen ist E. L. Muntze vilmer verachtlicher, wie E. L. vileicht selbst wissen mag. Jn summa das vns E. L. recht verstehe, Achten wir dauor, da gleich kein Krieg wer, Es dannocht mit solicher abschewe vnd vngehorsamheit der Muntze schwarlich gnug wer, der liebe gott behute vns vor allem vbell. Dis mochten wir E. L. muterlich anzuzeigen nochmals nit vnderlassen, Mit freuntlicher bitte E. L. wolle hierin zu jrem selbst besten ein ernstlich einsehen haben, Vnd sowoll bey den grossen hanssen Junckern vnd Ambtleuten die allein, wie man sagt, soliche Meutery machen sollen, Als bey burgern vnd Bauren ein hoches ernstlichs gebott ausgehn lassen, damit dise verachtung der Muntz als von den vnderthonen abgethon, Allerley schimpff vnd nachrede vermitten, Vnd ins gemein die klipling genommen werden. Damit befurdert E. L. jre wolfart vnd gemeines bestes, so soll dises orts da wir zugepieten haben vff den fall kein vleis ersitzenn. Datum vt in Literis. Dorothea. 137. 1565, 18 Mai. Vnsern muterlichen grus vnd was wir in ehren liebs vnd guts vermugen zuuor. Durchleuchtiger Furst, Freuntlicher geliebter sohn. Wir mugen E. L. nit pergen, das wir in glaubhafftige erfahrung khommen, Der Konig zu Schweden solle den pommerschen gesandten zum entlichen abscheide anzeigen lassen, Jre L. hetten vnserer person fridliche handlung zugeschrieben, Vnd derhalben wolle derselbenn nit gepuren, eh wir abschreiben, sich mit andern in handlung einzulassen, Wie dan E. L. ohne allen zweiffeln von gemeltem abschiede vor diser zeit clarere wissenschafft empfangen. Nun wissen wir von Keiner andern handlung dan von derihenigen, dauon wir E. L., Was wir namlich an S. L. vnd sie widerumb ahn vns geschrieben, zusambt Copey vberschickt. Vnd will vns doch nit anderst gepurhen, dan das wir vns bey E. L. hiemit muterlich befragen, was wir nochmals thun sollen oder nicht, Dieweil aus des obgemelten konigs beschener Resolution erscheinet, das S. L. vor vnserm zu oder abschreiben schwarlich mit andern fridshandlung eingehn werde. Derhalben bitten wir freuntlich vnd muterlich, E. L. wolle vns hierin dasz beste rahten, Wasz wir an den konig zu Schweden schreiben sollen, damit gemeine wolfahrt nit verhindert, vnd von wegen vnsers heimpleibens I B. 3 H. (1854). 25
