196
andern ahnsehlichen wegen zufriden, Dauon vns E. L. einsmall erwenung gethon, nit verhinderung vffgeladen werde. Dan Gott weist es, das wir es treulich vnd zum besten vff E. L. vnd derselben konigreichen seiten meinen, Vnd nochmals gerhn thun wollen, wasz vns muglich ist, mit der hilff gottes. Mochten wir E. L. muterlich nit pergen, Mit freundtlicher bitt, E. L. wolle disen vnsern botten furderlich ahn vns fertigenn. Thun damit E. L. gottes schutz treulich empfelhen. Datum Jn vnserm haus Flensburg den 18 Maij Anno etc. 65. Dorothea. Dorothea von Gots gnaden zu Dennemarck, Norwegen etc. Konigin, Geborn zu Sachssen etc., Hertzogin zu Schleswig, Holstein etc., Witwe. Paategning: Der Konigin schreiben darjnnen sie Rath bitt, wes sie sich mit abschreibung der vndernohmenen schwedischen fridtshandlung zuuerhalten. Productum Koppenhagen den 26 Maij 65. Orig. paa Papir med Udskrift til Kongen og Segl (det danske og det saxiske Vaaben). 138. 1565, 20 Juni. Vnnser muterlichen grus vnnd was wir in ehrenn liebs vnnd guts vermugen zuuor. Durchleuchtiger furst, Freuntlicher geliebter sohnn, Wir mogen E. l. freuntlich nicht bergenn, Das wir E. 1. brudern hertzog Magnussen ein Schiff mit Korn, hering, Saltz vnd anderer noturfft nach Liffland geschickt vnd verordnet haben, Dann nachdem E. 1. freuntliche wissenschaft hat, das gedachter derselben bruder sich weiter nicht erhalten kan vnd bisher von den gemeinen Stenden in Churland ernert worden, haben wir E. L. vnd allerseitz zu gutem vber vns genommen wie obgemelt S. L. mit zimlicher noturfft zuentsetzen. Nun kommen wir aber in erfarunge, das gerurt vnser schiff zu Nyburg soll angehalten worden sein, das vns dan nit wenig verwundert, Vnnd derhalben ist vnser muterlich bitt, E. L. wolle doch die gelegenheit bedenckenn vnd das schiff volgenn lassenn, vff das E. 1. bruder hertzog Magnusz nit vrsach habe widerumb zu klagen vnd weiterung verpleibe, Jnmassen wir vns zu E. 1. aller sohnlichen willfarigkeit getrosten. Vnd thun hiemit E. 1. denn geliebten sohne gottes schutz treulich empfelhen. Datum Coldingen den 20 Junij Ao 65. Dorothea. Vonn gotts gnaden Dorothea zu Dennemark Norwegen der wenden vnd Gotten Konigin, Geborn zu Sachssen etc., widtwe. Orig. paa Papir med Udskrift til Kongen og Segl (det danske og det saxiske Vaaben).
