197
139. 1565, 4 Juli. Vnser freuntlich grus vnd was wir in ehren liebs vnd guts vermugenn zuuor. Durchleuchtiger Furst, freuntlicher geliebter Sohn, Wir haben vnser Schiff, So vor Nyburg ligt vnd wir nach liffland zuschickenn bedacht, hieher fordern lassen, der meinung das wir dasselbige vfs new bespeisen vnd besichtigen lassen wolten, Ob vom Guth nichs verdorbenn. So ist es aber an dem, das der Ambtmann Eschell goy sambt dem zolner gemelt vnser Schiff angehalten vnd nicht volgen lassen wollen, Wolichs vns nit gering zugemuht gehet, Jn ansehung das E. L. wissenschaft tragen, zu was noturfft vnd behuoff angezogenn guth vnd schiff von vns verordnet, Vnd das E. L. bruder hertzog Magnussen sich dergestalt ferrer nit erhalten khan, darumb dan auch E. L. vor diser zeit vns sohnlich zugeschrieben mit bitt, wir als die Muter wollen des Entsatz halben vorsehung thun. Demnach wir vns destomer zubefrembden, das vns nun dasihenig, so aus gutem vorsatz vnd geheys geschicht, verhindert werden soll. Nun wollen wir vns im grunde nit anderst muterlich versehen, E. L. werde die gelegenheit hierin vernunfftiglich bedencken Vnd nicht beuolhen haben, das der Ambtman dergestalt fahren soll. Derhalben thun wir freuntlich bitten, E. L. wolle bey disem gegenwertigem Jn Schrifften verordnung thun, vf das vnser schiff Ledig gemacht vnd ohne weiter vfhalten moge hieher gebracht werden, darzu wollen wir vns eigentlich verlassen. E. L. thun wir gott empfelhen. Datum Coldingen den 4 Julij Anno etc. 65. Dorothea. Dorothea von Gots gnaden zu Dennemarck Norwegen etc. Konigin, Geborn zu Sachssen etc., Hertzogin zu Schlesz wig holstein etc., Witwe. Orig. paa Papir med Udskrift til Kongen og Segl (det danske og det saxiske Vaaben). 140. 1565, 11 August. Durch- Was wir in muterlichen trewen ehr, liebs vnd guts vermugen zuuor. leuchtiger furst Freuntlicher geliebter sohn. Wir haben hindereinander zwey schreiben von E. L. empfangen, Das ein Lautent vff das Schiff, so wir E. L. Brudern Hertzog Magnussen zu gutem nach Lifflandt gesandt, Das ander berurt vnser antwort schreiben, So wir von dem Konig zu Schwedenn bekhommen, Vff woliche E. L. schreiben wir in diser vnser wider heymkunfft verursacht werdenn E. L. muterlich zubelangen, Dan es steht in E. L. schreiben, Wir wolten vor anderm bescheide vnser schiffe nicht nach liffland schicken, mit vermeldung, da es in zolstetten oder vf der Sehe wurde an gehalten, das wir E. L. darumb nit wolten mher besuchen. Nun ist E. L. gutermaszen bewust, Wie Jres Bruders Hertzog Magnusszen hendel stehn, das sie namlich vfs beyn erarmet 25*
