199
zubefurdern. Ob nun solchs gott vnd allen verstendigen gefall, wollen wir dahin stellen etc. vnd vns vnser vnschuldt erfrewen. Wir mogen E. L. mit fernem schreiben nit vfhalten, Sondern bitten nochmals E. L. muterlich vnd vleisig, die wolle gott den allmechtigen vmb friden mit ernst bitten vnd vns vor die getrewe Muter erkhennen vnd vnsernthalb got nit verzurnen, dan das vierte gebott will sich nit ausleschen lassenn. Was wir E. L. vnd disen Konigreichen vor vnser Einfalt zu gedey vnd wolfart konnen oder wissen befurdern, darzu soll vns nichs dan gots gewalt vff diser Erden vfhalten. Vor den Armen Man Jorg Claussen, der vns das schiff gelihen, Bitten wir freuntlich, E. L. wolle sein vnschult gnedichlich ansehen vnd Jne der Burgschafft vnd vngnad gnedigst erlassen. Daran thut E. L. gott ein wolgefallen. Wir befelhen E. L. hiemit gotts schutz zu aller Christlichen Wolfart. Wir bitten auch E. L. die wolle disen vnsern botten furderlich abfertigen, dan das schiff ligt vns auff groszen kosten alhie. Datum Coldingen den 11ten Augusti Anno etc. 65. Dorothea. Dorothea von Gots gnaden zu Dennemarck Norwegen der Wenden vnd Gotten Konigin, Geborn zu Sachssen etc., Hertzogin zu Schleswig Holstein etc., Witwe. Paategning: Der Fraw Mutter schreiben Jhre Klag vber (?) schiff so sie in lifflandt schicken wolten vnd Jhre entschuldigung des schwedischen schreibens halber belangen. Productum Koppenhagen den 19 Augustj Ao etc. 65. Orig. med Udskrift til Kongen og Segl (det danske og det saxiske Vaaben). 1) Maa vist rettes til „er". 141. 1565, 26 August. Was wir aus eingepflantzter liebe ehr, liebs vnnd guts vermugen zuuor. Durchleuchtiger furst, Freuntlicher geliebter Sohne. Durch E. L. Widerschreiben, So sie dieser tag bey brieffszeigern an vns gethon, Werden wir muterlich verursacht, Dis abermalig schreiben an E. L. ergehn zulassen. Dan nachdem E. L. Jr disen argwon einbilden Lassen, Als solten wir vns sowoll ausser als Jnnerhalb diser Reich auch an ortern, Da sichs am Wenigsten geburet, vber E. L. allerley beschwerlicher reden, die nit alle zeit zu E. L. besten gemeint, vernemmen Lassen, So wil vns als der Muter nit anderst gebuhren, E. L. solichen Jrrweg auszuredenn, Vnd wir sagen demnach, das der ihenige der vns obgerurter gestalt bezichtiget vff vns falschlich gelogen vnd dasselbig nimmermehr vff vns bringen kan. Es sein aber die rechte feurige pfeyl, Damit der Teuffel pfleget zuschiessenn, Nahmlich dadurch seinen gifftigenn Saumen auszusehen, vff das Muter Kinder etc., Die gott der allmechtige insonderheit vnuerrucket vnd in geburlichem
