204
E. 1. hette Christen] Munckenn nichts gewilligt oder mit andern vorsor[get]. Dann wa solichs nicht geschicht, So werden die armen leut vorkurtzt vnnd mussen ohne einen Seelsorger lebenn, woliches dan nicht wol stunde, Vnd geschehe gott kein gefallenn. Dis mochten wir E. 1. nicht pergenn. Befelhenn dieselbige gotts schutz. Datum Coldingenn den 2 Aprilis Anno 66. Dorothea. Dorothea von gotts gnaden Konigin zu Dennemarcken, Norwegen etc., geborne zw Sachssen, hertzogin zu Schleswigk, Holstein etc., Widtwe. Beskadiget Original paa Papir med Udskrift til Kongen og Segl (det danske og det saxiske Vaaben). 146. 1566, 27 April. Vnnsern freundtlichenn grus vnd was wir [in] muterlichen trewen ehr liebs vnd guts vermugen zuuor. Durchleuchtiger furst freundtlicher geliebter son. Vnnsere arme Burgerschafft alhie zu Koldingen habenn Jre aufferlegte Burger vnnd Lantzknecht ietzo ausgemacht vnd erkhennen sich schuldig, das sie den Barbier auch mitgeschickt habenn solten. Nachdem sie aber allein einen haben vnd nirgent keinen aufftreiben konnen, der sich wolte lassen zu krieg gebrauchen, So haben sie vns vffs vnderthenigst ersucht, Wir wolten sie an E. 1. mit gnaden verschreiben, damit sie Jren einichen Balbier mochten behalten. Dieweil es dan also ist, das sie allein einen Balbier haben, den man aber vmb taglicher krancker vorfel halben aus einer stat nicht missen kann, So bitten wir freuntlich, E. 1. wolle mit vnsern armen Burgern vff dismal gnedigst zufriden sein, vnd sie vnser befurderung hierin geniesen lassen. Das wollen wir vmb E. 1. gern verschulden, Die wir hiemit gottes gnad vnnd hulde befelhenn. Datum vff vnserm haus koldingen den 27 Aprilis Ao 66. Dorothea. Dorothea von gots gnaden konigin zu Dennemarck, Norwegenn etc., Gebornn zu sachssen etc., hertzogin zu schleszwig, holstein etc., widtwe. Paategning: Productum Koppenhagen den 3 Maij Anno etc. 66. Orig. paa Papir med Udskrift til Kongen og Segl (det danske og det saxiske Vaaben). 147. Vnnsern freundtlichen grus vnd was wir in muterlichenn 1566, 3 Mai. trewenn ehr liebs vnd gutts vermugen zuuor. Durchleuchtiger furst Freundtlicher lieber sohn.
