211
gesynnen wir nochmals, Jr wollet hierin vnsers lieben sohns Konig Friderichs seligkeit bedenckhen Vnd nicht vrsach geben lassen zu gottes merem zorn. Was wir aber dannocht vor bekhommernus vnd beschwer haben, habt Jr die verstendige zuerachten. Gott geb das vnsere kinder allein Got mogen furchten vnd recht thun, So begern wir nicht mer. Befelhen Euch hiemit demselben lieben Got. Datum Coldingen den 9 Maij Ao 66. Dorothea. Udskrift: DEn gestrengen Erbarn vnd Ernuesten Vnsern lieben besondern den sambtlichen Reichsrehten zu Copenhagen. Original paa Papir med Segl (det danske og det saxiske Vaaben). 149. 1566, 12 Mai. Wir Dorothea vonn gottes gnaden zu Dennemarcken, Norwegen, der Wenden vnd Gotten Konigin, Geborn zw Sachssen etc., hertzogin zw Schleswigk, holstein, Stormarn vnd der Dietmarschen, Graffin zw Oldenburg vnd Delmenhorst, Wittwe, Embieten dem durchleuchtigen Fursten vnserm freundtlichen geliebten Vetternn, hern Erichen dem Viertzehenden, zw Schweden der Gotten vnd Wenden Konigen, Vnsern freundtlichen grus vnd was wir der verwandtnus nach in Ehren liebs vnd guts vermugen zuuor. Freundtlicher geliebter Vetter, Wir mogen aus zuuersichtiger freundtlicher meinung nicht vnderlassen hiemit zugedenckenn Der Erbarn vnd thugentsamen frawen Margreta hans holcken ehlichen hausfrawen, Dan nachdem sie mit Jrem man seligen Jn einnemung der Festin warburg nach Sweden gefurt vnd in E. l. verhafftung gelegt ist, Haben wir vns wol etlichmal im syn genomen Jrenthalb bey E. 1. vffs freundtlichst zubitten, Aber nachdem wir Jmmer dar zw Gott gehoffet, diese zwisth vnd beschwerliche vneinigkeit, so sich vnder dem durchleuchtigen Fursten vnserm hertzlieben Sohn herrn Friderichen dem andern zw Dennemarck, Norwegen, der Wenden vnd Gotten Konigen vnd E. 1. andersztheils erhaltet, solte sich entscheiden, haben wir es von einer zeit zur andern bisher vorzugert, Dieweil aber noch nicht zuspuren, das gemelte feindtschafft vnd kriegshandlung gestillet (an wem nun der mangel ist, weist der liebe gott zum besten), Wolten wir ferrer nicht verziehen, Sondern die arme fraw bey E. l. hiemit aus gnedigster meinung mit diesem vnserm eignen diener verschriebenn. Dan sie bey vns woluerdienet vnd in gnedigster neigung vnd liebe ist, derhalben thun wir E. 1. vffs freundtlichst bitten vnd so hoch als wir die E. 1. geliebten Fraw mutter seligen treweste vnd liebste Schwester gewesen, Jmmer einer Bitt mechtig sein konnen, E. l. wolle obgemelte vnsere besondere liebe Fraw Marggreta holckes neben ihrem Jungen Sohnn vnd Jungfer Katrine Peters tochter aus auffgelegter bestri- I B. 3 H. (1854). 27
