IV. SAMLING AF KONG CHRISTIAN DEN TREDIES BREVE, NAVNLIG TIL ANSEETE TYDSKE REFORMATORER. (Af officielle Copieböger i det Kgl. Geheime-Archiv.) 1. Ann die gelertenn zw wittembergk vann wegenn eines predicanten geschriebenn. 1540, mellem 21 Febr. og 17 April. Christiann etc. Vnnsernn gnedigenn willenn vnd grus zuuor. wirdiger vnnd hochgelerter liber besonder. wir gebenn euch gnedigsten meinunge zuerkennen, das vns neulicher tage einer vnser hoffprediger, Er Heinrich genant, der euch wol kentlichen ist gewesenn, in gott denn herenn verstorbenn. So habenn wir denn anderenn magister andream Jedigkenn vnserm vnmundigenn freuntlichenn lieben brudern hertzogenn friderichenn zu holstenn etc. zu einem zuchtmeister verordnet, Also das wir warlich dieser zeit nemants, der vnns in verkundigung gotliches worts diennenn kan, zu hof haben. Dieweil vnns aber ann einem sollichenn man vnd der vnns jeweilen in vnserm gewissenn trostenn kan, hoch vonn notten vnnd wir aber denselbenn diesser zeit alhie zu bekommenn nit wol wissenn, So wollen wir hir durch ann euch gantz gnedigst gesonnenn vnnd begertt habenn, Jr wollet vmbeschwertt sein vnnd nebenn den anderenn gelertenn, ann die wir hienebenn schreibenn lassen, befurderenn hellfenn, das wir einenn gelerten frommenn Christlichenn vfrichtigenn mann zu einem hoffprediger vor vnnsernn eigenn leib muchtenn bekommen. er muste aber der erfarenheit sein vnnd das ansehenn haben, deweil vnns wie euch wissentlichen, wann wir nach gelegenheit vnnser lande auf denn zugenn sein, allerlei geistliche sachen furfallenn, das er dieselbigenn zu pilligem wegenn richten konte, wie wir dann das ehemals ann euch gelangenn lassen, wie ir die anderenn vnnsernn vorigenn Schreibenn nach vnnd sunst ann das zuberichtenn. Dennselbenn wollen wir ehrlich vnnd dermassenn vnderhalten, das ehr, vnsers vorhoffenn, ersettigt vnnd fredenn woll sein soll. Euch nebenn denn anderenn gutwillig vnnd
