216
souill muglichen furdersam erzeigenn, wie wir vns dann versehenn, beschuldenn wir vmb Euwer personn mit willen gnaden gantz gernne. Dat. Det nærmest foregaaende daterede Brev er af Löverdagen efter Inuocauit, det nærmest paafölgende af Löverdagen Jubilate. 2. An Anthonium Coruinum vmb eynen hoffprediger etc. 1540, 26 April. Christiann etc. Vnnsernn gnedigenn grus vnd geneigtenn willen zuuorn. Wirdiger vnnd wolgelertheer besunder Lieber. Wir gebenn euch gnediger meynung zuerkennen, Das wir dieser zeit mit einem guten hoffprediger vor vnnsern aigenn leib gantz vbel vorsehenn sein, auch denn dieser ort nit woll zuwegen bringenn konnen. Wiewol wir nu mit euch vast vnbekant, zudeme auch euch mit sollichenn dingenn (als denn wir sonst mit allerley beschwerung beladenn wissen) nit gernne bemuhen woltenn, So habenn wir euch dannoch vor denenn pis daher gemerckt vnnd noch, der die gotlichenn werck nicht allein vbet sondernn auch gernn furdert. Darumb wir auch nit vnderlassenn wollenn euch mit dieser vnnser schrieft zubesuchenn Vnnd wollenn derhalbenn mit allen gnadenn ann euch gesonnenn vnnd begert habenn, Jr wollet vnns zu sondernn gefallen vnbeschwert sein vnnd vnns, do es muglichenn, einen erfarnen geschicktenn gelertenn vnnd frommen prediger, der auch also geschickt, das er anndere, da es nottig, vnderweisenn vnnd sunst Jn geistlichenn sachen, die Jheweilenn Jrrigk forfallenn, vnderrichtunge thun vnnd die gleicheit treffenn konne, zuhandeln. Dennselbenn wollenn wir ehrlich, wol vnnd also vnderhaltenn, das er vnnsers vorhoffens damit zufridenn sein soll. Euch Jndeme gutwillig ertzeigenn vnnd wes wir vnns zuuortrostenn, bey zufelliger botschafft zuerkennen gebenn, das sein wir mit allenn gnadenn vnnd gutenn zubedenckenn vnnd zuuorgleichenn geneigt, Vnnd kontenn euch dis nicht bergenn. Datum Odensehe Mantags nach Cantate Anno etc. Jm 40ten. 4 3. Ann doctor Pommeranum zu Wittembergk etc. 1541, 13 Marts. Christiann etc. Vnnsernn gunnstigenn grues vnnd gnedigenn willenn zuuornn. Hochgelarter Besonnder lieber, wir gebenn euch gnediger Maynung zuerkennenn, das, dem Allmechtigenn Sey lob, wir vnnsere liebe gemalh vnnd junge herschafftenn noch piszher Jnn Frischer wolgehennder gesunthait gefristet vnnd erhaltenn werdenn, gleichfals wir vonneuch vnd denn ewernn zuerfarenn begirigk. Darnebenn wollenn wir euch nicht bergenn, das der Erwirdige her Gottschalck Bischoff zu Schleszwieg kurtzuorruckter tage
