217
Jnn Gott vorstorbenn, Derhalbenn wir woll des enntlichenn gemutts vnnd meynung wehrenn, Als es dann Ja die vnnuormeydliche notturfft diesser Furstennthume vnnd lannde nitt Annders erfordernn will, eynenn Anndernn Gelerttenn Christlichenn mann, wellicher das wortt Gottes Lautter Clar vnnd Reyn Predigenn vnnd Sonnstenn Alles das Jennige, wes eynem Bischoffe vnnd seynem Ambte zustehett, widderumb Ann des verstorbennenn Bischofenn Stadt zuwehlenn vnnd zubestettigenn, Vnnd wir dann, wo es Sich nun also zutragenn vnnd zu dennenn wegenn geraichenn Sollte, gernne Euch Ader Sunstenn eynenn Anndernn gelertenn Mann, So fernn Jr darzu zu bewegenn, Vnnd es Auch bey dem Hochgebornnenn Furstenn vnnserm Freunttlichenn liebenn Oheymenn dem Churfursten zu Sachszenn etc. zuerhaltenn Sein wollte, der orthe wiszsen woltenn. Wir woltenn Euch vnnd Ewre hausfraw dermassenn versorgenn vnnd vorsehenn, das Jr doran ersettigett vnnd keynnenn Manngell habenn Soltenn etc. Demnach wollenn wir Ann Euch mitt gnadenn gesunnenn vnnd begeret haben, Jr wollett vnns bey kegenwertigem Brieffszayger vorstenndigenn, Wes Jr vf vnnser weyther erfordernn Jnn deme zu thun ader zu lassenn geneigett. Wo Jr aber Solichs aus Anndernn vrsachenn nicht thun kunthenn, So begeren wir gnediglichenn, Jr wollett vnns Ewrenn Rath, wie wir ettwann Anndere gelerthe tapffere berumpte vnnd Ansehennde personn, so Jm Deutzschlanndt beruffenn (Dann Jr wissett, wes wir vor leuthe Jnn diesenn vnnsernn lanndenn habenn), bekommenn mochtenn, mitteylenn, Solicher solte vnnsers vorsehenns viell gutts stiefftenn vnnd Auszrichtenn. Nachdem wir euch Auch Am Jungstenn geschriebenn vnnd vmb eynenn hoffprediger, der vf vnnsernn aygnenn leyb warthenn mochte, bej Euch Anngesucht, da Jr vnns dann die vortrostung gethann, das Jr vnns mit dem Erstenn, So muglichenn, eynenn zuschickenn wolltenn. Dieweyll wir aber noch piszher keynenn erlannget, So gesinnenn wir ganntz gnediglichenn, Jr wollet vleysz furwenndenn, domit wir eynenn frommenn gelertten Christlichenn Mann vor vnnsernn leyb erlangenn mochtenn. Jr demselbenn vonn vnnsernnt wegenn zu besoldung zusagenn werdett, dasselbe wollenn Wir Jhme gnediglichenn gebenn vnnd betzalenn lassenn. Er muste Aber Also geschickt sein, das wir Jhn, wo wir wes Jnn geystlichenn Sachenn zuthun hettenn, Ratts gebrauchenn mochtenn etc. Sonnstenn wiszenn wir euch nichts zuschraybenn, dann das es gott lop Jnn dieszenn vnnsernn Raichenn vnnd Furstenthumbenn noch zur zeitt woll zustehett vnnd das Gottliche wortt lautter vnnd reyn geprediget wirdt, das wir euch auch nicht zuuorhaltenn gewust. Wollett euch jnn dem allenn wie vnnser gnedige zuuorsicht stehett guttwilligk vnnd vnnbeschwerett erzaygenn. Das Seintt wir widerumb Jnn Allenn gnadenn zuerkennenn gnaigt. Datum Coppennhagenn Sontags Reminiscere Anno etc. Jm xljten. Cedula. Wes Wir begerenn Auch gnediglichenn, wo Jr ettwas Newes vonn Buchernn Auszgehenn wurdett lassenn, Jr wollett vnns derselbenn Mytteylung thuenn, Desgleichenn wie
