219
gemut Angehortt. Wollenn vnnsz derhalbenn vorsehenn, So baldt wir Alldar Ankhommenn vnnd euch Schreybenn werdenn, das Jr euch vfs forderlichst Auch ewere Sachenn dermassenn darnach gericht, das Jr eyne zeytt lanng bey vnns vorharrenn mugett, der orthe Ann vnns vorfugenn werdett etc. Ewernn dienner Anndream sampt dem Andern gesellenn Anthonienn habenn wir Jnn vnnsere Canntzley Annhemenn lassenn. Wollen Auch wo Sie Sich der gebur (Alls wir dann keynenn zweyffell tragenn) halltenn werdenn, derselbenn gnedigster konnigk vnnd herr sein. Das wir euch vff ewer Schreybenn Jnn Anntwortt gnediger Meynung nicht bergenn wollenn, dann euch vnnd denn Ewernn Sindt wir mit gnadenn gnaigt, Vnnd wollett denn Allmechtigenn Gott vor vnnsz vnnsere Lanndt vnnd leuthe treulichenn zubittenn Euch lassen befholenn sein. Datum Coppennhagenn Sontags Cantate Anno etc. xljten. 5. Ann doctor Pommeranum zu Wittembergk etc. 1541, 15 Mai. Christiann etc. Vnnsernn gunnstigenn grues vnnd gnedigenn willenn zuuorn. Wirdiger vnnd hochgelerther Besonnder lieber. Wir habenn kurtzuorschinner tage drey ewer schreyben empfangenn vnnd derselbenn Jnnhallt nach Notturfft woll vorstanndenn. Was Erstlichenn belannget vnnser forderung zum Bischofflichenn Ampte, das Jr euch desselbenn Ewers alters halbenn, Auch Sonnstenn dieweyll Jr gott lob piszhero mit vortsetzunge des Euanngelionns auch bestellung der kirchenn Schulenn vnnd Armenn leuthenn Euch dermassenn ertzaigt, dasz Jr ewers verhoffenns vor gott vnnd der Christennheit (welichs wir euch dann vor vnnser personn zeugnisz gebenn) grosser Bischoff vnnd mehr dann Jhr hiernachmals werdenn kundt etc., gewest, Jhr wollett aber gleichwoll nebenn doctor Martino vnnd doctor Jhona nach Einem Anndernn, denn wir der orthe vnnd zu Solichem Ampte gebrauchenn mochtenn, Nebenn eynem hoffprediger mit Allem vleysze trachtenn etc. Sampt fernners vnnd weyters Jnnhalts. Mugenn euch darauff hinwidder gnediger Meynunge nicht vorhaltenn, das wir es wharlichen keyner Anndernn Meynunge dann darumb gethann, dieweyll wir euch ye vnnd allwegenn Auch noch mitt allenn gnadenn gewogenn vnnd zugethann, das wir euch Als deme vnnser gelegennhaitt Auch diesze lanndt Arth zum teil bewust (Wo es Jmmer Ewer gelegennhaitt erleydenn ader ertragenn hette mogenn), Lieber dann eynenn Anndernn dero orthe gehapt, Woltenn vnns auch also mitt allenn gnadenn gegen Euch vnnd die ewernn geschickt, darob Jhr Ein gutt gnugenn getragenn Soltenn habenn. Weyll es aber yhe euch ewres Allters Alls wir Ausz doctor Jhonas vnnd zum teill ewrem schreybenn I B. 3 H. (1854). 28
