220
vorstanndenn, Auch Anndernn Angetzaigtenn vrsachenn halbenn beschwerlichenn Jst, wir wissenn auch woll das Jr grosser Bischoff gnugsam Seytt, derhalbenn Jr euch auch vonn dieszer Christlichenn vocation vnnd beruffunng, dar Jnnenn Jr Seitt, Nicht Abtziehenn lassenn wolltt, Wollenn wir es auch dabey beruhenn lassenn Vnnd vnns nichts desto wenniger zu Euch vnnd denn Anndernn vorhoffenn, Jr werdett allenn vleysz thun, Ob wir Jrgennt eynenn Anndern feynenn geschicktenn vnnd gelerthenn mann, der zu Solichem Ampte tuglichenn, Nebenn Einem hoffprediger bekhommenn mochten etc. Was belanngenn thut die kirchenn vnnd Schuelenn, da Jr vnns der zusage, So wir denn Superattendenten Jnn der dehenischen Ordenung gethann, erjnnertt vnnd derhalbenn Euch vorhoffenn wolltet, das wir noch am selben Sein vnnd mit dem bestenn daruber wordenn halltenn, So mugenn wir Euch nicht pergenn, das wir die vniuersitet, kirchenn vnnd Schulenn, Alls Euch doctor Peter Palladius Selbs weyternn vnnd Claren bericht schreybenn wirdt, dermassenn bestelltt Vnnd Jnn ein Ordnunge bracht, Alls Jnn ettlich viell Jharenn nicht geweszenn, Seint Auch demselbenn noch mit dem bestenn nachzusetzenn vnnd vollge zuthunn gneigt. Das Wonhaus aber der Studennten habenn wir biszhero Ausz vielenn Annliegenndenn beschwerungenn nicht fertigenn konnenn lassenn, Wollenn es aber mitt dem Erstenn dermassen bestellenn, das es gebawet vnnd aller dinnge gefertigett werdenn Soll etc. Alls Jr vnns auch fernner Bittett, das wir Magistro Nicolaum, doctor Peters Bruder, zw Seynem Studio mitt gnediger hulff vorsehen woltenn, Allso habenn wir demselbenn vff ewer Anregenn diszmall Eine stewre zu Solichem Studio gebenn, Desgleichenn Jhme auch vff ewer erfordernn Viertzigk gollttgulldenn vberanntwortt, die er hiennfurder Magister Petro vonn Haderszleuenn, domit er sein Studium desto besser vollenndenn magk, auch zustellenn solle, wie wir jhme Magistro Petro vonn Haderzleuenn hiernebenn geschriebenn. Gesinnenn vnnd begerenn demnach Nochmals gnediglichen, wo derselbige sein Studium vollenndenn vnnd der geschicklichkeit wurde, das Er zum Predig Ampt Ader Annderm diennstlichenn Sein mochte, Jr wollett Allsdann darann sein, dasz Sich derselbige Jnu Anndere wege nicht mit diennstenn vorsehenn, Sonnder herein Ann vnns vorfugenn mochte, Alls wir dann Ann Jhne Auch derhalbenn schreybenn lassenn etc. Betreffende Magister Nicolaus Schwansius vonn Rypenn, das Jr bittett, wir woltenn dennselbenn alhier einenn Erlichenn diennst bey der vniuersitet ader Predigstuell Ader aber Sonnstenn mitt eynem Stipendium, damit Er weytter Studirenn mochte, zuuorsehenn Nach Seiner gelegennhaitt vorschaffenn. Nun woltenn wir Solichs Ewrer bitt vund beger nach gernne gethann habenn, Seindt auch Allgereitt derhalbenn Jm werck gestannden, das wir Jhme woll vnndergeholffenn habenn woltenn. So wollenn wir euch doch gnediger Meynung nicht bergenn, dasz wir vonn ettlichenn denn vnnsernn Sonderlichen Hermanno Schelenn berichtett, das er sich gegenn vnnserm Super-
