224
Wir werenn auch woll willenns gewesenn, doctor Martino Luther vnd Philippo Melanchton der halbenn zuschreybenn, So wissen wir, das Sie mit viel andernn wichtigenn gescheftenn beladenn seint, dardurch wir also dieselbenn mit vberigen vnd vorgebenen leszenn Auch nicht bemuhenn wollen, Vnd begernn gnediglichenn, Jr wollet dennselben vnnsernn gnedigenn grus Antzuzeigenn vnnbeschweret sein, Mitt der Erbietung, wo wir Jhnenn vnd euch, Womit Jnn dieszenn vnnsernn Reichen vnnd Furstennthumbenn zu willnfarnn wusten, das wir nun dasselbe vorstenndigt werdenn mochtenn, solt euch vnuorsagt sein. Letzlichenn so Jst vnnser gnedigs begern, Jr wollet vleys thun vnnd mit dem bewustenn Manne, daruonn Jr ehrmals hermanno Scheelen geschriebenn, souiell handlenn, das er Sich zu vnns Jnn diennst bleiblichenn begebenn mochte. Wir woltenn Jnenn vnnd dj seynenn dermassenn versorgenn, darann er ein gut gnugen haben vnnd Jnn keinem wege manngel haben solte, Vnd so Jr Jhnn dohin bewegenn kundtenn, das er Sich Jnns Erste hereynner ann vnns vorfugte, woltenn wir selbstenn mit Jhme alhier hanndlenn vnd aller dinge eynns werdenn. Solichs alles wolln wir euch vf ewr schreybenn Jnn Anndtwortt gnediger meynung nicht bergenn, Dann euch vnnd denn ewernn viell gunstiges vnnd gnedigs willenns zuerzaigenn Seind wir gnaigt, Vnnd thuenn hiermit vnns vnnser Lannde vnd Leuthe Jnn ewer Paternoster beuhelenn. Actum vf vnserm Slosz Gottorp Am tage Trium Regum Anno etc. xlijto. Cedula. Wir mugenn euch auch nicht verhalttenn, das vnns vorschinner zeit doctor Justus Jhonas geschriebenn vnnd Angezeigt, das er woll gnaigt, wann er wissenn mocht, das wir Jnn vnsernn Furstennthumben weren, Sich zu vnns herein zuuorfugenn vnd allerley mit vns zu vndterredenn, Also habenn wir Jme hiernebenn geschriebenn vnd zuerkennenn gebenn, das wir Jtzund Alhier Jnn vnnsernn Furstennthumbenn werenn, So er Sich nun ann vnns zubegebenn willenns liesszenn wir es woll gescheenn. Wo es euch nu vor gerathenn vnnd gut dungkt, das wir solichenn brief vberantwordtenn laszen, Muget Jr dasselb Hermanno Scheelenn Antzaigenn, Wo aber nicht, magk er dennselbenn bey Sich behaltenn. Datum vt in literis. 1542, samme 6 Januar skrev Kongen ligeledes til Dr. Justus Jonas, Provst i Wittemberg. Kongen, der er kommen til Fyrstendömmerne og vil blive der en Tid, opfordrer ham paany til at komme til sig, hvis hans Forretninger tillade det,,,denn wir wol mit euch Relligion vnd Kirchen Sachenn halbenn zu redenn, daran vns nit wenig gelegenn". An die vniuersitet zu wittembergk. Actum Gottorp Sonntag nach Dorothee 42. 1542, 12 Febr. Christiann etc. Vnnsernn grus vnnd gnnedigenn willenn zuuornn. wirdigenn hoch vnnd wollgelertenn besonndernn liebenn. Wir habenn euer schreibenn furpietlich vor mai-
