225
gister petrus vonn Genner euerer vniuersitet glidtmasz, das wir dennselbenn Noch ein Jarlang aldar Jm Theologie zu studirenn hulffe vnnd steuer thunn soltenn, Empfanngenn vnnd weiter Jnnhalts vorstanndenn, vnnd habenn darauff vmb solcher euer furbieth willenn, auch darumb das wir die Jugenndt zum Studio gernn gefodert sehenn vnnd wiessenn wolltenn, Vff das er solche seinne angefanngenen Studia desto besser vnnd vleissiger vbenn vnnd hernachmals vnnsers, vnnsernn Reichenn, Lanndenn vnnd leuttenn dinnlichenn seinn mochte, vff diszmall viertzigk taler bei seinnem aignenn pottenn Briffstzeiger vbersenndenn. Welchs wir euch vf solch euer Furbietlich schreibenn Jnn antwort nit pergenn wollenn. Denn euch gnnedigenn willenn zuertzaigenn seinndt wir genaigt. Datum vff vnnserm schlosz Gottorff Sonntag Nach dorothee Anno etc. xlij. 8. An Doctorem Pomerannum. Datum Gottorp montag post dorothee, Anno etc. xlijo. 1542, 13 Februar. Christiann etc. Vnnsernn gnnedigenn grus vnnd Gnnedigenn willenn zuuornn. Wirdiger vnnd hochgelarter Besonnder lieber. Euer schreibenn datirt Wittemberg Am tage anthonj, dar Jnnenn Jr vnns vor die vberschickete Butternn vnnd herinng, so wir euch, doctori Martino vnnd philippo Melanthoni vorehrtt, vnterthenigenn vnnd hochvleissigenn danneksagunng thun, mit Bit wir wolltenn euch vff euer schreibenn durch Doctor Zoch gethonn gnnedigste wiederannth wortung thun, habenn wir empfanngenn vnnd alles weiternn Jnnhalt gnnedigenn eingenomenn vnnd vorstanndenn. Were erstlichenn vor solch vnnser verehrung dieser vnntherthenigenn grossenn Danncksagnunng nitt nottig gewesenn, denn (wo) wir euch, doctori Martino vnnd philippo Jnn solchem vnnd mherernn gnedigen willenn zuertzaigenn wissenn, wollenn wir vnnsz Jdertzeitt als der Gnnedige Konnig Jnn allenn Gnnaden findenn lassenn, wie wir euch zu mhererm malenn vnnser gnnedig gemut Jnn schrifftenn eroffenndt. Souiell denn Brieff durch doctor Zochenndt geschriebenn Belanngenn thut, wollenn wir euch nit pergenn, das wir deszhalbenn denn erbarnn vnnsernn Secretarium vnnd liebenn getreuenn hermannum schell mit schriefftlichenn vnnd muntlichenn Beuell ann euch gefertigett, welcher vnnsers verhoffenns Nuhmer lenngst Bey euch annkommenn, vonn dem Jr vnnser gemut vff euer schreibenn gnugsam zuuernemenn. Das ir auch antzaigt, wie einn danus maigister peter Genetanus ¹) Bey oppennrade Burtig bey euch einn zeitlanng Jnn theologia vleissig Gestudirtt vnnd sich sonnst wollgehalltenn, der das seinne Jm studio zugesatzt vnnd Nachmals vonn vnns vorlegt were wordenn, mit bitt wir wolltenn Jnenn Jm selbenn studio Noch ein Jar lanng halltenn, Habenn wir vmb euer auch der vniuersitett Bitt willenn Jme noch viertzigk
