226
Taler bei Jegennwertigenn Bottenn zugeschickt, die ir vonn dem pottenn fordernn vnnd Jme weiter zustellenn mogett. Das alles wir euch yff euer schreibenn gnnediger mainung nit pergenn wollenn, Dann euch vill gnnedigenn willenn zuertzaigenn sinndt wir genaigt. Euch dem schutz des Allmechtigenn vnnd vnnsz euernn pater noster befhelennde. Datum Gottorp Monntagsz Nach Dorothee Anno etc. xlij. 1) sic. Skal vel være Generanus. 9. Ann doctorem Pommeranum, Datum Nicopinngk Suntags post Mathej Apostolj anno etc. Jm xlijo. etc. 1542, 24 September. Christiann. Vnsernn gnedigenn grus vnnd geneigtenn willenn zuuornn. Erwirdiger vnnd hochgelerter lieber Besonnder. Ewer schreibenn datirt Wittembergk denn xixten Augusti dieszes Jares habenn wir Empfangen vnnd alles Jnhalts nach der lennge vernommenn. Souiele nun erstlichenn die einnhemung des Landes zu Braunschweig belanngt, das wir derhalbenn der hochgebornnenn furstinn vnser freuntlichen hertzliebenn gemahell Trostlich seinn sollenn, Wissenn beide wir vnnd vnser liebe gemahell woll wie es darumb gelegenn, vnnd dieweil es dann aus gotlicher fursehunng dj gestalt gewunnenn, Jst vnser freuntliche liebe gemahell dessenn auch nuhmer zufriedenn, Vnnd hat sich derhalbenn zu frid vnnd gedult gebenn. Des niderlenndischenn krigs halbenn zwischenn vnns vnnd denn keysszerischenn, daruonn ir gehort doch nichts gewissers wisset, Wollenn wir euch damit Jr vnnd menniglich zuuormerckenn, mit was geschwindenn practicken die Burgundischenn mit vnns vmb ghenn, gnediger meinung auch nit Bergenn, Das wir Jungst vorschinenn prima may mit denn Burgundischenn zu Brehmenn vmb friedenn vnnd anstandt vff etzliche Jar hanndelen lassenn, wie wir dann vonn anfanng vnser Regirung frid vnnd ainnigkeidt allerseits zuerhaltenn vnnd zu furdernn geneigt wie auch noch gewesenn, hetten wir vorhoft esz soltenn die Sachenn zu gutem ende geratenn sein. Es habenn aber die Burgundischenn wedder friedenn noch anstandt anderst dann vf einn Jar annemenn wollenn vnnd furgewendet, die weil diesser Turckenntzugk fur hanndt, Damit das derselbe nit gehindert Sonder gestercket, so werenn sie dar vf einn Jar vnnd nit lenger Anstandt vnnd fridenn zumachenn, vnnd solte das Jar alszo jmmer fur vnnd fur werenn vnnd nur ein Jar heissenn, vnnd wann esz Dann vmb vnnd esz denn einenn theyll gelegenn, so szolt der teill nach auszganngk des Jhares macht habenn dem andernn denn friden vftzuschreibenn, vnnd szolt der anstannd noch gleich woll Sechs mannet sthenn. Daraus ir vnnd menniglich woll zuerspurenn, Wie sie denn fridenn meinenn vnnd gemeint habenn, vnnd das der mangel an
