227
D vnns nit gestandenn, do auch der Turckenntzug nit gewesenn, das alszdann wir hettenn Turck seinn vnnd nichts gewissers dan des Backennstreichs gewartenn mussenn, wiewoll sie vnns allenthalbenn auszgeschriebenn, Als das wir einn offentliche veyde wider sie angefangenn, So Jst doch sollichs nit bescheenn, Alleinn wir habenn zu behuf vnser vnnd vnserer Reiche Jnenn etzliche Schiffe angehaltenn, hettenn wol fug vnnd vrsach etwas mer vnnd andersz furtzunemenn. Wir wollenn aber das dem Almechtigenn Beuhellenn, der zu seinner zeit woll alle dinng Schaffenn vnnd gebenn wirdt. Belanngende paulum habenn wir gernne gehort, das er sich wol heldt vnnd vleissig Jst, Lassenn vnns auch woll gefallenn, das er noch einn zeit lanng Jm Studio vorharre, damit er zu denn dingenn komme, das er nochmals vnns vnnd vnsernn reichenn dienenn muge. Des hofpredigers halbenn, welcher ein pfarherr vom hennhen seinn szol, Thun wir vnns gegenn euch vnnd philipo eurs darinn gehabten vleisszes ganntz gnedigenn Bedanckenn vnnd begernn gnediglich, Jr wollet vnns ins erst zuschreibenn, vf was Condicionn vnnd wege Jr mit Jme gehandelt ader handelnn werdenn, Ob er auch, wan er zu vnns Jnn dinst keme, Dem houe folgenn konte vnnd wolte, wir vnns fernner darnnach zurichtenn haben, vnnd dieweil wir Jtzo Nimandts habenn, muglichenn vleis Anwenndenn, das er sich ins erste ann vnns begebe. Alsz Jr auch in ewerm schreibenn vnns Rattet, das wir vnder denn dreienn, maigistro olauo, Joanne Seuingio ¹) ader petro Paulicio, einenn doctor Jnn theologia promouirenn lassenn mochtenn, wollenn wir vnns mit dem wirdigenn vnnd hochgelartenn vnserm liebenn getreuenn Doctori Petro palladio deszhalbenn vnderredenn vnnd wir vnns aller gnnedigenn gebur woll zu haltenn wissenn. Belanngende denn doctor zu frannckfart Autor 2) vonn Sualenbergk, den ir meinnet, das er vnns fur einn Cantzler dienenn konte, Begernn wir gnediglich, Jr wollet durch euch ader philippum mit Jme handelenn lassenn, vff was Condicionn er sich an vnns begebenn vnnd wafur er sich gebrauchenn lassenn wolle, vnns fernner solchs zu schreibenn, Damit wir vnns auch darnnach zurichtenn. Das wir euch zur wiederantwort gnediger meinunge nicht Bergenn wollenn, Dan euch vill gnad vnnd gunst zuertzeigenn seindt wir geneigt, Vnnd thun euch himit indenn schutz des Almechtigenn, vnns aber Jn ewerm Pater noster Beuhellenn. Datum etc. Zedula. Wir begernn auch gnnediglich Jr wollet doctorj Martino vnnd philippo vnsernn gnedigenn grus ansagenn vnnd Jnenn schreibenn, das sie muglichenn vleis wollenn Anwendenn, Damit wir denn hofprediger Jns erste Bekommen mochten, Das sie auch mit vf paulum sehen wolten, das derselbig Jm Studdio vleissig sei. Das erkennen etc. 1) Maaskee en Skrivfeil istedenfor: Seningio. 2) sic. I B. 4 H. (1855). 29 29
