230
rigirsten druck, so durch euch Ern doctor Martinum, philippum ader Andere vbersehen, mochten bekommen, So begeren wir gnediglich, Jr wollet vns, so offt etwas Neues ausgeheth, Auch das Testament mit dem groben druck, beth vnnd gesang buchlein vff vnser vncosten zuschicken vnnd mit euern sambtlichen ader sonderen handen vndertzeichen, vff das wir sehen mugen das solchs corrigirth vnd von euch Approbireth sey. daran thut Jr vns zw sondern gefallenn Jn allen gnaden zuerkennenn. Dieweyl auch Niclas harder selbst nicht zw vns kommen, haben wir also eurem begeren nach mit Jme nicht handeln konnen. Es were aber vnser gutbeduncken, Jr lisset selbst mit Jme ader philippi seinem schwager zw lubeck krappen ader sonst Jmandts, der euch Am besten hirinne dienen konthe, redenn, wolthen wir noch die bestellunge bey vnserm zolner vff Falsterbo thun, das vff solch euers procurators erfordern Jme die putter vnnd heringe gewiss vnd zugleich zugestelt werden solle. Das alles wir euch zur hinwieder Anthworth gnedigster meynunge nicht bergen wollen. Dan euch viel gnedigs willens zuertzeigen seint wir geneigt vnd thun euch hiemith dem Almechtigen, vns Aber eurem pater noster befelenn. Datum Gottorff dinstags post conuersionis pauli Anno etc. xliijten. ner, Zettell. Wiewol wir euch hirinnen geschrieben, wes jr den dreyen Magistro Petro gen- Paulo von Nimwegen vnd Nicolao Ripensi eim jden gebenn solthet, So muget jr doch solche hunderth taler gleich vnder sie teylenn, Ader es darinne also halten, wie es euch zum geratensten vnd bestenn zusein gedeuchtet. Wir vberschicken euch auch hiermith drey krusatenn, der wollet einen euer hausfrawen, den Andern Doctoris Martini vnd den dritten Philippi seiner hausfrawen von vnsernt wegenn zum Neuen Jare vorehren vnd Jhnen darneben antzeigen, das sie solches nicht fur ein geschenck, sonder zw eyner gedechtnus vmb vnsernth willenn annehmmenn wolthenn. Wes wir jnen sonsten vor gnad ertzeigen konthenn, darann wolten wir vns aller gnedigstenn gebur ertzeigenn. Datum vt jn literis. 12. An doctor Pommeranum zu wittennberg Etliche zeittung vnnd anderst etc. betreffennt. Datum Kyll dinstages post Egidi Ao. etc. xliijten. 1543, 4 September. Christian etc. Vnsern gnedigen grus zuuorn. Wirdigehr vnd hochgelarter besonder Lieber. Wir haben ewer schreiben belangende das Testament neben dem bet vnd sangbuchlein desgeleichen die Buttern vnd heringe, so wir euch, doctorj Martino vnd Philippo vorschrieben, Auch den Gottlender Olauum neben angehenckten zeitungen Empfangen vnd alles Jnhalts vorstanden vund nach der lenge eingenohmen. Tun vns
