239
Hertzog Fridrich vonn Capittel, Stendenn vnnd glidmassenn des Ertzstiffts Bremenn vf des Jtzigenn Ertzbischofs Totsuhall zu einem Ertzbischof erwelett vnnd vfgenohmmenn, Wie sie dann sich derhalbenn vorschribenn vnnd vorsigelt. Der Almechtige Barmhertzige gott vorlei darzu sein segenn vnndt gnade. Amenn. Datum vtsupra. Under samme Dato sender Christian III. Melanchthon et Svar paa dennes Taksigelse for den tilstaaede Fetalies Omskrivning til Penge. Saavel dette Brev, som de fölgende til Luther (Nr. 18) og til Bugenhagen (Nr. 20) ere forhen trykte i Crags K. Christian den Tredies Historie ved Sandvig, III. 224-227; men vi have dog ikke villet udelade de to sidste af denne vor udförligere Samling, til med da de ældre Aftryk ikke ere saa ganske correcte. 18. Ann doctor Martin Luther. Mutatis mutandis an doctor pommeranum vnnd Philippum Melanchthonem zu wittembergk, jhre bestellungen belangennde. Actum Ripenn Montags nachm Newen jar 1545. 1545, 5 Januar. Christian etc. Vnsernn gunstigenn grus vnnd gnedigen willen zuuorn. Ehrwirdiger vnnd hochgelarter besunder liber. Als wir euch hiebeuhorn aus gnediger neigunge etzliche kuchennspeisze vorschriebenn, hettenn wir ganntz gernne sehenn vnnd vornhemenn mugenn, das euch soliche kuchennspeisz yderzeitt dermassenn, wie wirsz euch vonn hertzen gegunnett, were zu kommenn. Als wir aber befundenn, das damit vber vnsernn beuelh vnnd willenn fast vnrichtig vmbgangenn, Haben wir aus gnedigstem bedenckenn die vorschreibungen Jnn vnnser Cantzley vff geltt vorandern lassenn, Vnnd gesinnenn gnediglich, Jr wollet vnns desfalls nicht anderst dann im bestenn bedenckenn, Euch auch soliche vorschreibunge gefallenn lassenn, Dann wir des gemutts vnnd neigung gegenn euch mit gnedigster willfarungenn yderzeit zubeiegnenn. gneigt. Woltenn euch solichs gantz gnedigister meynunge nicht vorhalltenn, Vnnd vnns zusambt vnnser geliebtenn Gemahell, Jungenn herschafftenn, Bruedere, Reichenn, Lannden. vnnd Leuttenn in Ewer christlich gebeth vnnd vatter vnnser empfelennde. Datum vtsupra.
19. Anntwordt ann doctor pommeranum zu wittembergk. Actum Coldingn Suntages post vocem jucunditatis 1545. 1545, 17 Maj. Christian etc. Wirdiger vnnd hochgelarter besunder lieber. Wir habenn ewr schreibenn vnnd antzeige, Aus was vorhinderlichenn vrsachenn Jr vf vnnser erforderunnge nicht an vnns gelangenn konnenn, sambt weitter Antzeige empfangenn vnnd Jnhalts vornhommenn. Vnnd were der gethanenn entschuldigung Auch dancksagung
