241
mechtige wolle mit gnaden langwyrig vorleyhen, Vnnd wolten gantz gern, das es sich vmb euch Jnn gleichnus erhielte, Wie wir dan nit zweifellnn. Welcher gestalt auch die krigssachenn mit vnsernn geliptenn ohmenn den Chur vnd fursten Sachsszenn vnnd Hessenn vnnd vnser christlichenn voreyn Jegenn Herzog Heinrichen von Braunschweig gelegenn, vnnd das derselbe samptt seynem Eltistenn Sohn Cahrl Victorn zu vnsers glieptenn ohmenn des Landtgraffenn hande gefengclich gelangt, Werdet Jr numehr allenthalbenn bericht sein. Vnd ist daraus des Almechtigen straff Jegenn dem vonn Braunschweig zuersehenn. Wir habenn auch ein hauffenn Reutter vnnd Krigsleut mitt grossem kostenn versamlen lassenn, wie wir dann vnserm liben ohmen denn Chur vnnd Furstenn Sachszen vnnd Hessenn vnd vnser Christlichenn vorein zu hulff zuschickenn vorordent hetten. Vnd ist dem Almechtigen vatter vnsers herrn vnd heylands Jesu Christi fur die vorlyhen victorj hoch zu danckenn, dan es Allein sein werck ist. Das wolten wir euch gnedigst nicht vorhaltenn, vnnd wollenn euch hiemit dem Schutz des Almechtigen, Aber vnns, vnsere gelipte gemahell, Junge herschafften, auch Reiche, land vnnd leutte Jn ewer Christlich gebeth vnnd Pater Noster empholenn haben. Datum vtsupra. 21. An doctor Pommer zu wittemberg. Datum Kolding denn Eilftenn January Anno etc. 1546. 1546, 11 Januar. Wirdiger vnd hochgelar- Christian etc. Vnnsernn gnedigstenn grus zuuornn. tter besonder lieber. Wyr haben bey disem bothenn Ann euch zuschreibenn nicht vnderlassenn wollenn vnnd mugenn euch demnach nicht vorhalten, das wir sambt vnnser geliebtenn gemahel vnnd Jungenn herschafftenn vonn dem Almechtigenn Jnn gesunder leibs wolmogenheit vnnd wolfart erhaltenn werdenn, Der Almechtige vorleyhe langwirig mit gnadenn. Vnd als Jr wissens, das wir Aus sonderer neygung, so wir sunder Rhum zu dem heilligenn gotlichenn Euangelio vnnd denn Studijs tragenn, anhero etzliche vnnserer vnderthanenn vnnd eingebornne vnser Furstenthumb, Als sich studirens halbenn Nach Wittemberg begebenn, mit gnedigster vnderhaltung vorsehenn, Des wir dann zu forderunge gotlicher ehr vnnd gemeins bestenn billich geneigt, So erfarenn wir gernne, das durch solche vnnsere gnedigste furderunge die vnnsernn Jnn Jrenn studys wirckliche frucht geschafft hettenn. Vnnd weil wir dann vnsernn liebenn getrewenn Magistro petro generano mit besondernn gnadenn geneigt, Derhalbenn wir auch vonn seiner Lehr, lebenn vnnd wandell gernn bericht habenn mochtenn, Wie vns dann anlangt, Das er nicht ein vnnutzer mann der kirchen sein werde, So gesynnenn vnnd begerenn wir gantz gnedigst, Jr wollet vnns sein gelegenheit vnd wes hofnunge
