244
licher hulff vnnd vorleyhung, souiel Jn vnns ist, Ein vnwyrdiger erhalter vnnd mitbeschutzer Christi Reychs vnnd vnnser wahren Christlichenn Relligion beharlich vnnd bisz in die gruben sein vnnd pleybenn, Darane, souil vnns gott der Almechtige Vater vnnsers heylandts vnnd Seligmachers Jesu Christj gnad vorleyhenn wirdt, kein mangel soll erspurt werdenn etc. Nachdem Jr auch vor Magister Hacken, desselben Brudern, Tugo Asmundi, Johan Ripensem, Christiern Brun Vnnd Jep Nylssenn, aus vnnser Stadt Coppennhagen geborn, vmb Stewer zu Jrem vnderhalte vnd Studijs bittet, So schickenn wir euch hirmit bey Schleszier hundert Taler, dauon wollet Magister Mattis hacken funfftzig zustellenn, Die vbrigenn Funfftzig werdett Jhr vndter die andernn auszuteylen wissen. Wir habenn auch gern gehort, das sie sich wol haltenn vnnd vleissig sein. Wollen vnns mit fernern gnadenn vff ewer schreyben derhalbenn erzeygenn. Der dancksage vor das vberschickte gelt were nicht notig gewesenn, Dann wir euch ahne das mit allenn gnadenn gewogenn etc. Wir wollenn auch des Newen Testamentts, als mit groben littern im Druck vonn euch vnnd denn Andernn hern, gewartenn, Vnd vnns dasselbige als ein sunderlich herlich vnd Thewr geschenck lieb sein lassenn. Vnnd so wes ausgehet, das nutz vnnd werth geachtet, damit wollet Jr vnns vor vnsere betzalunge bedenckenn vnnd vnns zuschreybenn, was dasselbe kostet, Auch wes Jr denn potenn Jderzeit, als Jhr herein fertiget, zusaget, Dasselbe wollenn wir euch gnedigst hinwidder betzalen lassen, Dan wir wollenn nicht, das die vnkostenn vber euch gehen sollenn. Wir thun vnns auch der mitgeteiltenn zeittungen vom Colloquio gnedigst bedancken, Denn Almechtigen bittende, Er wolle sein Arme kirch vnnd die Reyne wahre Lehr seins heiligen Euangelij gnedigst erhalten. Woltenn euch solchs Jnn Antwurth hinwidder gnedigst nicht bergen Vnnd thun vnns zusambt vnser gliptenn gemahell, Jungenn herschafftenn, Brudern, Reichen, Landen vnnd Leutten in Ewr Christlich gebeth vnnd Pater Noster emphelenn. Datum vtsupra. 24. Antwort an doctor Jonam probst zu wittemberg vnd superattendent der kirchenn zw halle, Doctor Luthers seligen abschidt vnnd andersz belangenn. Actum Coldingen denn 7ten Junij Anno etc. 46ten. 1546, 7 Juni. Christian etc. Vnnsern gnedigstenn grusz vnnd geneigten willen zuuornn. Wirdiger vnnd hochgelarter besunder lieber. Ewer schreibenn aus halle bey doctor zacheum ann vnnsz gethann Jst vnns alhier deenn virdenn Junij behanndett vnnd habenn daraus ewer zuneigung zu vnns gnedigst vormercktt, des wir gnedigst dannck-
