247
vnnsernn gnedigstenn grus vnnd willenn vormeldenn. Das wir auch solchs nichtt eher geschickt, Jst dardurch vorplieben, das Ern Christoffern abscheidtt nach gelegenheitt bis anhero vorzogen werdenn mussenn. Auch habenn wir sunstt nichtt bothschafftt gehabtt, vnnd wollett vnns des vorzugs vor euch ennthschuldigt haltenn, dennselben auch bey dem herrenn Philippo vnnd Seligenn Lutherj Withwenn ennthschuldigen. Wir wollenn auch Jderzeitt ewer vnnd Jhr gnedigster herr sein vnnd pleibenn. Woltenn euch sollichs gnedigst nichtt vorhaltenn vnnd seindtt euch mitt allenn gnadenn gewogenn. Datum vtsupra. 1) Sic. Rimeligviis Skrivfejl for durch. 26. Ann Magister Gallum Marcellum. Werdenn Jhm Funffzig taler vberschigktt. Datum Colding den 29 Decembris 1546. 1546, 29 Decbr. Christian etc. Wolgelarter lieber besunder. Ewr schreybenn haben wir empfangenn vnnd die gelegennheit der kriegsleufft, Vnd das Jr mit vnnsers besundernn liebenn Doctoris Pommeranj kyndern nach zerbst vorrugtt, samptt Euer anngehafftenn suchung gnedigst vornommenn. Vnnd Jst vnns das furnemenn gegenn vnnsers Oheim des Churfurstenn landenn schmertzlich zw horenn gewesenn. Der Allmechtige wirdtt auch Mittell vorleihenn, das die sachenn zw guthem ende gelangen vnnd seine kirche erhaltenn werde, Wie wir danne darumb Embsig bittenn. Wir haben auch besunder Mittleidenn, das die gute schull zu Wittembergk der Christlichenn kirchenn nicht zu geringem nachteill dermassenn zerstreuett, Vnnd vnnser besonder lieber Doctor Pommer Jnn der last vnnd beschwerunge der belagertenn Stadt bliebenn. Der Allmechtige wolle Jhme vnnd denen, so bey Jme sein, gnediglich helffenn. Wir wollenn auch wie gepetenn, auch als wir Jhme ohne das mitt gnadenn gewogenn, Jhne vnnd die seinenn vnns gnedigst befolenn sein lassen, Vnnd schickenn euch demnach zu annzeige vnnser neigung funfftzig daler, die Jhr zu eurem vnnd der kinder vnnderhalltt zu gebrauchenn, Wollenn auch fernner vnns gnedigst zuerzeigenn wissenn. Wir habenn auch hirnebenn Ann gemeltenn Ern Johan Bugenhagen Pommern Doctorn schreiben lassenn, Vnnd werdett Jhme denn Briff, so Jr eracht, das Jhme derselb vnnbefartt zu handenn zu pringenn, nach gelegennheitt zuzuschickenn wissen. Wollen euch solchs gnedigst nichtt vorhaltenn vnd seind euch mitt gnadenn geneigtt, thun vns auch samptt vnnser gelieptenn gemahell, Jungen herschafftenn, Reichen, landen vnnd leuthenn Jnn ewer Christlich gepett empfelenn. Datum vtsupra.
