251
dauon nicht drengen zulassen bedacht, Euch vnns gnedigst befolenn sein lassenn vnnd ewer gnediger herr sein. Des Jr euch zu vnns vnngezweyffelt zuuorsehenn. Woltenn euch solichs zu anzeyge vnnsers gnedigstenn willenns vnnd neygung nicht vnuormeldet lassenn, Vnnd thun euch dem Allmechtigenn, der euch Auch zu seins Nahmenns Ehre vnnd der christlichen Kyrchenn zu trost lannge frystenn wolle, Jn sein gnadenreichen Schutz, Vnns aber zu sampt vnnser gliptenn Gemahel, Junge herschafftenn, Landt vnnd Leuttenn vnnd die obligend beschwer der gemeynenn christlichen kyrchen vnnd deutscher Nation in ewer christlich Gepet emphelenn. Datum vtsupra. 30. An Philippum Melanchtonem zu wittemberg. ko. mait. vberschicken ihme 50 taler vnd die opera Lutherj zu vberschigken belangen. Datum Coppenhagen den 17ten tag Septembris Anno 1547. 1547, 17 Septbr. Christian etc. Wirdiger vnd hochgelarter Besunder lieber. Wir habenn vonn Kegenwertigem Botenn dem Altenn Schlesier vormergt, wie es vmb euch vnd die Schul gelegenn, Vnd das dieselbe durch Schaffunge vnnsers liebenn Ohmenn Churfurst Moritzenn etc. widderumb angehet, vnd ist vnns sonderlich erfreulich zuhorenn, vorhoffende zu dem Almechtigenn, das dasselb seinem gotlichenn Nhamenn zu lob vnnd ehrenn Vnd seiner Armen Kirchenn zu trost gedeyenn wirdt. Vnnd nachdem wir dann nicht vngernn gesehenn gehapt, Das ir Jnn diesenn Beschwerlichenn vnd gefarlichenn Leufftenn euch zu vnns begeben, So vorstehen wir doch, das sollichs villeicht durch andere Furfelle vorhindert. Wir habenn aber gern gehort, das ir widderumb bey denn eurenn vnd der Schull zu wittembergk zufindenn, Vnd wollet vns, wann Jr Botschafft hapt, euer gelegenheit vnd wie es sich mit der Schull vnnd sunst der ortt anlassenn, souil vnns zu wissenn geburt, vorstendigenn, Vnnd euch zu vns aller gnadenn vnd guten vorsehenn vnnd getrostenn. Als wir auch hieuor vorstendigt, Das Christlicher vnd Seliger gedechtnus Doctoris Marthinj Lutters Opera Jm druck sein, vnd wir vorhoffens, das dieselbenn Forderlich gefertigt werden sollen, So begeren vnnd gesynnen wir gnedigst, wan dieselben auszgehenn, Jr wollet nebenn vnserm auch besunder liebenn doctorj Pomerano vleis haben, das wir die gemelten opera vfs Reintlichst vnd starck Jn weisz gebundenn, Also das die Jn vnnser Biblioteca zugebrauchenn, gewyszlich vberkommen mugen. Was die auch gestehenn werdenn, Vnd vff Bothen vnnd Furlohnn derhalbenn gehenn will, Das wollen wir mit Besondernn gnadenn hinwidder entrichten Lassenn. So auch sunst wes Neues Jm druck were vnnd ausgehet, Das wollet vns auch vf vnser Betzalunge zutzuschickenn vnbeschwert sein. Wir Schickenn euch auch hienebenn bey gemeltem Bottenn Schlesier die Funfftzig I B. 4 H. (1855). 32
