253
Doctor Pommern wolbekandt) vnd der Ander mit Nahmen Johannes Seningius, welchen der Almechtig aus diesen Trubsal Jn das Ewig Reich seliglich erfurdert, So wolten wir vhast gern, das vnser vniuersitet zu furderst vnd zum wenigsten noch mit einem furnhemen gelarten vnnd erfahrnen Teologen mocht gesterckt werden, Damit, als wir alle in der hanndt des Almechtigen, dannoch leutt beyhanden, die Jn Religion sachen eintzurethen, das alles zu gottes ehr befurdert, Auch zur Besserung der schulen zugebrauchen. Vnnd Jst demnach vnser ganntz gnedigst Sinnen vnd begern, Jr wollet vnns zu wilfahrung vnnd zu furdrung der heyligen kirch vnnd gemeynem pesten vleys haben, wie wir danne solchs vnserm besondern lieben Ern Simon Pastoris 1), der Rechten doctorn vnd Sachssischen Cantzlern, Auch bey euch zubefurdern aufferlegt, Das wir einen oder zween gelerter Theologen vff zimblich vnderhalt anhero zubekommen haben mochten. Wir wolten auch, wen wir antzeige dauon zuerlangen vnd leut zubewilligen, schicken vnnd vff Tregliche masz mit Jnen hanndeln lassen. Jr wollet euch Jn dem, wie vnsere zuuorsicht, vnbeschwert ertzeigen vnd vns sampt vnser hertzliebsten gemahl, Junger herschafft, Reichen, Landenn vnnd leutten Jn ewer Christlich gebett halten vnnd beuholen sein lassen. Der allmechtige wolle euch zu seinen Ehren vnnd furdrung seiner heiligen gemein zu langen zeitten fristen vnd gnadt vorleyhen, Das sein heyliger Nahm auszgebreit vnd vnsere wahre Religion gepflantz vnnd mehr erweitert werden muge. Vnnd seinnt euch als vnsern besonndern lieben mit gnaden vnd allem gueten geneigt. Datum vtsupra. 1) Sic. Skal være Pistorius, med hvem Kongen förte en vidtlöftig Brevvexling. 32. An die doctoren zu wittemberg pomeran vnnd philipp Melanchton. kon. matt. vberschickenn Jne Jre pensionn ije taler, Funfftzig vor Doctoris Martinj wedwe etc. Actum Flensburg denn xviijten Septembris Anno etc. 1548ten.' 1548, 18 Septbr. Christiann etc. Wir horenn ewernn wolfarigenn zustandt vnd gesuntheit gantz gernne vnd sonderlich, das bey euch die gotliche ler des reinenn Euangelij vonn vnserm Seligmacher vnnd heylandt Jhesu Christo nochmalnn vnuorandert vnnd bestendig gelert wirt. Der herre wolle vns, euch vnd alle Christliche gotsfruchtige erkenner seins heilligenn Euangelij sterckenn vnnd bey bestendiger erkantnus erhaltenn, Darumb wir Embsig pittenn. Vnnd ist vnnser gnedigst begerenn, Jr wollet vns Jhe zu zeitten mit eurem schreibenn ersuchenn, Darann geschicht vns sonderlich zugefallenn. Vnnd als euch euer vorschriebenn pensionn von diesem Jare noch Restett, So schickenn wir euch bey zeigernn hiemit Anderthalbhundert taler, Funfftzigk euch Doctorj Pommerano vnnd Funfftzig euch Magistro Philippo. Die andernn funfftzig begernn wir hochseligenn Doctoris Martinj Luthers widfrawenn zutzustellenn vnd vnsern wegen zuuorreichen. 32*
