256
gernn, das reine Lehr vnd Christliche Ceremanien der ort im Schwange. Der herre wirt fernner mit gnaden vorleyhen, was zu seinen ehrenn, ausbreittung seines worts vnd erhaltung desselbenn kirche nutzlich. Jr werdet auch wie anhero mit bestenn vleisse solchs zubefurdern nit vnderlassenn. Souil denn drittenn Thomum operum Lutherj latine betreffenn, haben wir den bey vnser geliebten tochter der hertzogin zu Sachssenn empfangen, Vnd bedanckenn vns derhalben mit gnadenn. Jr wollet vns auch mit negster botschafft vormelden, was der kostet, dasselbe wollen wir euch gnedigst entrichten lassenn. Wurde auch fernner was auszgehenn, Damit werdet Jr vns vor vnser gelt zubedenckenn wissenn. Wir schicken euch auch bey dem bottenn schlesier die Funfftzigk taler euer vorschrieben pensionn, deszgleichen auch den Andern Hernn Philippo vnd doctorj Maiorj vnd Funfftzig doctor Luthers seligenn witwen, die werdet ir der gemelttenn widtwenn vnsern wegen zubehanden wissenn. Als ir auch vor einen studentenn von Ripenn geschriebenn haben, wir hieuor vf euer vorpitlich anregen etzlichen steur gethan, wir befindenn aber wenig, die was frucht geschafft, es kunten auch wol etzliche die schulenn alhie besuchenn, dar sie in Jrenn studiis zubefurdernn. Wir schickenn aber doch hiemit zwanzigk taler, die wollet dem gemeltenn Johannes von Ripenn vorreichen. Das wolten wir euch hinwidder nicht vorhaltenn etc. Datum vt supra. Under samme Dato takker Kongen Melanchton for dennes to Breve, hvoraf han har faaet det ene gjennem Schlesier, det andet gjennem Dr. Maiors Sön, og oversender ham hans Pension, 50 Daler. 35. Ann doctor Justus Jonas. Kon. Mait. vberschickenn Jm 40 goltguldenn. Actum Copenhagenn den 8 Septemb. Anno etc. 1549. 1549, 8 Septbr. Christiann etc. Wir habenn ewer schreibenn freitagk im pfingstenn zu halle datirt empfangenn vnnd Jnhalts gnedigst vornhommen, Vnnd bedanckenn vns ewers schreibens vnnd der Angetzeigtenn zeittung. Wir haben vns auch zuerjnnern, das ir vorschinen kriege zu etzlichen malenn an vns geschrieben. Wir habenn euch auch daruff beantwortten lassenn vnd euch einmhall Funfftzigk taler geschickt, Als Jr gen Magdeburg gewichen. solttenn euch nhun solich schreiben vnd gelt nit zukommen sein, wer vns frembdt, vnd haben ewer widderwertigkeit dermassenn vngern vornhommen. wir horen aber gern, das die kirch zu hall mit reiner lehr vnd reichunge der Sacrament noch in Jrer ordnung vnuorandert stehet. Der Almechtig goth wolle fernner mit gnade vorleihenn, Das sein wort vnnd kirch erhaltenn Vnnd alle beschwerunge gnediglich abgewandt. Wir schicken euch auch hienebenn viertzigk golt guldenn, die wollet zugefallenn habenn. Vnnd beuelenn vnns hiemit sampt denn vnnsernn in ewer Christlich gebet. Seint euch auch mit gnadenn geneigt. Datum vtsupra.
