257
36. An Johan Aurifabrum hoffprediger zu Weymar. dancksage vor die vberschickte buchlein. Actum Assens den 18ten Januarij Ao. etc. ljten. 1551, 18 Januar. Christian etc. Vnnsern gnedigsten grus zuuorn. Wirdiger lieber besunder. Wir haben euwer schreyben vnd die vberschickte buchlein, Auslegung des Andern Psalms, So Jr vns dedicirt, Empfangen vnd euwern Christlichen vnd wolmeinenden vleisz, Als Jr zu furdrung gottes ehre angewandt, zu guetem gefallen vormerckt, Es seindt vns auch dj Buchlein Angenhem. Vnd wirt der herr zu erhaltung seiner Kirchen vnd gothlichen worts ferner gnadt vorleyhen. wir wollen auch euwer gnedigster her sein, Vnd sollet euch zu vns Aller gnaden vnd gueten zuuorsehen haben. Wir schicken euch auch x Englotten, die wollet zu gefallen haben. Vnd seindt euch mit gnaden geneigt. Datum vt supra. 37. Antwort Doctori Pommerano gebenn. Actum Flensburgk den letzten Martij Anno etc. lj. 1551, 31 Marts. Christian etc. Konig. Wirdiger vnnd hochgelarter besonder lieber. Wir haben euer schreibenn denn ixten ditz Monats datirt bey diesem Bothen Scherff empfangen vnd gnedigst vornhommen, wie die sachenn mit Magdeburgk vnd sunst gelegenn. sagen euch der anzeige gnedigsten danck, Vnnd wird der Almechtig gnad gebenn, das die sachenn zum friedenn gedeyenn vnnd sein wort moge erhalten werdenn. Das Jr auch Jn euren Kirchen mit vleissigem bethenn anhaltet, solchs wird der Almechtig vngezweiffelt nicht lassenn ahne frucht sein, vnd hoffen, er werde alle beschwer gnediglich abwendenn, die zuuorhinderung seines heilsamen wortes. Wir begerenn auch gnedigst, wan was des orte furlauffenn wurde, das der Kirchen vnd gotlichem wort, auch sonst dem gemeinen friedenn zu beschwer gereichen solt, Jr wollet vns solchs nach gelegenheit vnbeschwerdt vormeldenn. Wan auch was Neues von Buchern ausgehenn wurde, die wollet vns mit eurer handt bezeichent vf vnsern kostenn vnd bezallunge vberschicken, Weill allen Scribenten vnd Drucken Jtzo nicht zuglaubenn. Das wollen wir mit gnaden vnd guthem vhm euch allweg beschulden, Vnd beuhelen euch in den Schutz Gottes, Vns aber sampt den vnsern auch Reichen, Landen vnd Leuthen Jn euer Christlich gebett. Datum etc. Et næsten ligelydende Brev udstedtes samme Dag til Melanchton, fra hvem Kongen ligeledes gjennem Scherff havde faaet et Brev af 9 Marts. 1551, 4 Sept. takker Kongen Melanchton for de af denne under 18 August afsendte, af Kongen under 2 Sept. modtagne Efterretninger om Conciliet. Datum Stubbekjöbing. Under samme Dato udstedes et Brev til Georg Maior om de samme Sager. Kongen sender ham 20 Engelotter.
