261
zuwonen. daran thuet Jr dem almechtigen ein ehr vnnd vnns zu gnedigstenn gefallenn, es wirts auch vnser gelieptter brueder vmb euch mit gnaden beschuldenn, Vnnd wir wollenn euer gnedigster herr vnnd euch mit gnadenn alzeitt gewagen sein. Datum. 42. Antwortt an Doctor Pommern zu Wittenbergk, Osiandrj seinn Lesterbuech vnnd Andersz etc. belanngenn. Actum Drottningburg den 7ten Februarij. Christiann etc. Wir habenn euer schreibenn bej Scherff dem bathenn ann vnns gethann samptt der Anthwordt, als vnnser besonder lieber Er Philipp Melanchton wider des Osiandrj Lesterbuech ausgehenn lassenn, Auch die verantwortunge doctor Maioris gegenn denn gewesenn zur Naumburg empfangenn, Vnnd was Jr vonn practicken meldett, als verhannden sein sollenn, Auch das Magister philippus vonn vnserm lieben Ohmen vnnd Schwagern vff das Concilium gegenn Triendt zu Reisen abgefordertt, allenthalbenn gnedigst verstanden. Das Jr auch anfangs meldet, wie Jr vnns Neulich auch geschriebenn vnnd das der Both noch nicht zu Rugk gelanngt sey, Solch schreibenn ist vnns disen tag von demselbenn bothen sampt dem buechlein vonn den kindern vberantwortt, Vnnd danckenn euch gnedigst vor die vbersanten buechlein. Wir habenn auch die antwortt Magistrj philippj wider des Osianders vormeinte vnnd vngegrunde opinion den hohenn Artickel vnser heilligen Rechtfertigung bettreffen durch lesen, vnnd ist dasselb (wiewol es kurtz) Christlich vnnd wol gestalt, verhoffenn, das vnd was andere Christliche theologen dargegenn schreiben werdenn, wirdt furderung geben, das des osianders lesterung zubegegnen. Es ist ein vngereymptte vnnd schreckliche vormessenheitt des menschen, das er dermassenn gegenn alle schrieffts grunde vnnd Christliche lehrer schreibenn darff. was beschwer solchs vnnd andere vnnöttige gezenck der theologen Jnn disen geferlichenn zeittenn zuuorursachenn Jst leicht abzunhemen vnnd zubeclagenn, das es also angestaldt. Wir haben auch darann khein gefallenn, Vnnd als vns vnser oheim vnnd Schwager der hertzog zu Preussen des osianderj buech zugeschickt, habenn wir vnser theologenn bedencken daruff zustellenn Jnn gleichnus erfordertt, vnnd wollenn hochgedachtenn hertzogenn zu Preussen zuerjnnern nicht lassenn erwinden. Es wirtt auch der almechtig solchenn vnnd dergleichen beschwerungen, falscher lehr vnnd Jrthumb gnediglich whern vnnd sein kirch erhaltenn, darumb auch teglich zu pittenn. Was auch vonn kriegs Rustungen gesagt vnnd Jn euerm schreibenn gemeltt, dauonn ist vnns nichts mer bewust, dan was wir durch gemein geschrej gehörtt, Vnnd khonnen nicht ermessen, wohin die furnhemen gericht. der herr wolle gnadt zum friden verleihen vnd alle widerwertigkeitt abwenden. wir pitten auch den almechtigenn, das er Magistrum philippum vnnd euch andere gnediglich fristenn vnnd vor allem vbel bewarn wolle. Demselbenn vnsernn gott thun wir euch vnnd vnns in 33*
