263
alle sachenn zu seinen ehrnn Richtenn. Wir gesinen auch fernner mit gnedigstem begernn, wan Jr fueglich bottschafft habt vnnd etwas weitters furlauffen wirt, das vnns zuuormelden gelegenn, Jr wollett vns dasselb vnbeschwert miteilenn, Das wollen wir mit gnadenn vmb euch beschuldenn. Wollen euch solchs hinwider gnedigst nicht verhaltten, vnnd seindt euch mit gnadenn geneigt, Vnnd beuheln vnns vnnd die vnsernn Sampt Reichen, landen vnnd leuthen Jnn euer Christlich gebeth. Datum. 45. Antwort Doctor Pommern gebenn, zeitungen vnnd osiander betreffen. Actum Drottningburg denn 20ten Aprilis Anno etc. lijten. Christiann etc. Vnnsern gnedigsten grues vnnd geneigten willen zuuorn. Wirdiger vnnd hochgelertter besonder lieber. vnns ist eur schreibenn denn 22ten Marcij negst datirtt vonn Scherff dem bothenn vberantwortt, Vnnd habenn daraus gnedigst vermergt die Jetzig gelegennheitt bej euch vnnd was des osianders halbenn gemeldt. wollen euch darauff hinwider gnedigst nicht vnangezeigt lassen, das wir die vffrustungenn Jnn Deutzslandt, auch die beschwerlich vnnd ergerlich disputacionn des osiandrj vngernn horenn. Vnnd ist der allmechtig zupittenn, Das er wolle sein kirch erhalttenn vnnd Christlich Bluetvergissen verhuetten vnnd gnedigen fridenn verleihenn, Auch alle sachenn zu seinem lob vnnd ehrnn richtenn. Wann auch weithers Jnn kirchen sachenn vnnd sonnst was furlauffen wirdt, das zuwissenn, solchs wollett vnns zu gelegner battschafft vnbeschwerdt vermeldenn. Das wollenn wir mit gnadenn vmb euch hinwider beschuldenn vnd beuheln vnns vnnd die vnsernn sampt Reichen, landen vnnd leuthenn Jnn eur Christlich gebett. seint euch mit gnadenn geneigt. Datum. (Collacionirtt.) Under 11 Maj 1552 skriver Christian III fra Viborg et Brev til Hertugen af Preussen, „Andreas Osianders newerdichte Rechtfertigung belangen", hvilket Skrift Hertugen havde sendt ham. Kongen fordommer det i de skarpeste Udtryk og oversender Hertugen en Betænkning derover fra Dr. Peder Palladius, ligesom han ogsaa lover ham en anden fra Dr. Johan Macchabæus, der er under Arbeide, og opfordrer ham til at læse disse og andre christelige Modskrifter. 46.. Antwort an Ambrosium Mayrum der Stadt Deuenter phisicum. Kon. Matt. vberschickenn Jhme ein damasckett. Actum Coppenhagen denn 15ten Julij Anno etc. lijten. tra- Christian. Hochgelerter lieber besonder. Wir haben euer schreibenn mit sampt denn beyverwarden vns zugeschicktenn Pronostico von dem burgermeister gesanthen der stat deuenter empfangen vnnd alles Jnhalts mit sonderm fleis vernhomen. genn euers angewanden fleises vnd Das Jr vnns solchs vertraulich mitgedeilt gnedigstenn gefallenn, wir werdenn vnns euer bith nach Jn geheim darmit zuuorhalttenn
