265
mechtigenn, er wolle sein gnnad gebenn, Das durch euch vnnd andere Christliche lehrer sein heilwertigs wortt also ausgepreittett werde, das es zu gottes ehrnn vnnd der menschenn heill gereichenn muge. Der wolle auch die vnnd alle Christliche Kirchenn der ortt vnnd sonnst vhor falschenn sectenn vnnd weither beschwer gnediglich behuetten. Es ist auch der dancksage vnser erzeigung ahne noth, vnnd seint euch mherern gnadenn geneigt, wollen auch euer gnedigster herr sein vnnd pleibenn, Das wir euch hinwider zu gnedigster antwortt nicht wollenn verhalttenn. Vnnd beuheln vnns vnnd die vnsernn samptt vnsernn Reichenn, Landenn vnnd Leuthenn Jnn euer vnnd euer kirchenn Christlichs gebett. Wir danckenn euch auch gnedigst der bestellunge mit den buchssenn vnnd anderm, als Jr zu Nurmberg vor vnns zufertigenn beschafft, vnnd versehen vnns, Jr werdets also bestelltt haben, das wir solchs alles nhun mer zuerlangen. Datum. Zettel. Wir begernn auch gnedigst, so was neus der Religion halben oder sonst, daran gelegenn, furlaufen wirtt, wollett vnns dasselbige Jeder zeitt vff vnsern Costenn zuuormeldenn vnbeschwertt sein. das wollen wir mit gnaden vmb euch hinwider beschulden. Datum. Under samme Dato skriver Kongen til Raadet i Augsburg: han takker dem for deres Undskyldning for at Fliner ikke kan komme til Danmark, og lykönsker dem til at have kaldt ham tilbage. 49. An Magistrum Philippum Melanthtonem, wirdt Jhme von disem Jar sein Jargeltt nhemblich 50 daler vberschickt. Actum Coppenhagenn denn 9ten octobris Anno etc. lijten. Christian etc. Besonder lieber. Das es euch wolgheitt, ist vnns gantz lieb, wir vnnd die vnnsern seint gott lob auch noch frisch vnnd gesundt, Der herr wolle fernner mit gnadenn langwirig geruehenn vnnd vorleyhen. Vund als Jr vnns nhun zum zwiettenn kurtz hintereinander geschribenn bey Jost Sturtzkopff vnd Tillmanno Stella vnnd vnns die zeittungen, als damhals vorhandenn gewesenn, vermeldett, sagenn wir euch derwegenn gnedigst danck, wollenn solche euer guethe neigung allweg hinwider vmb euch beschuldenn. Vnnd habenn denn geschlossenen friden gantz gern gehörtt, verhoffenn zu gott, der werde zu seinen ehren, zu ausbreittung seines heiligen wortts, erhalttunge seiner armen kirch vnnd zu gemeiner Christenheitt vnnd Teutzscher nation wolfartt gedeihenn. Der herr wolle auch fernner gnad gebenn, das die potentatten, so noch mit krigen behaft, Christlich mugenn verglichenn werden. Wir begernn auch gnedigst, wan weitter was furfeltt Jn weltt ader kirchenn sachenn, das vnns zu wissenn geburtt, Jr wollett vnns dasselb zur gelegenheitt vnbeschwertt vermelden. Weil Jr auch dis Jar euer gnaden geltt funfftzig daler nicht empfangen, Habenn wir dasselb zeigernn Jost Sturtzkopff zustellenn lassen euch vberzubringen Vnnd zu antwortten, werdett solchs bey Jhme finden. Wir wollenn auch vnns gegenn Tillmanno
