268
men. Jr wollett vnns auch denn sibenden Deutzschenn vnnd funfften Lateinischen tomum, so die auszgangenn, bey fuglicher bottschafft zuschicken, was Jr darfur auszlegtt, wollenn wir euch gnedigst lassenn bezallenn. Es ist vns auch der Christlich vnd selich todz vhal vnsers lieben ohmen weilandtt furst Jörgenn zu Anhaltt schmertzlich vnd mitleidig zuhornn gewesen vnd ist sonderlich betrublich, das der allmechtige die treuen vnd frommen lehrer also aus dem weg nimpt. aber er weis wie es sein sol, Vnd ist Jhme solchs hinzustellenn, vnnd zupitten, das er sein Kirch gnediglich bey reiner vnd Erkantter lehr wolle erhalttenn. Wolttenn euch dises hinwider gnedigst nicht vnangezeigt lassenn, Seint euch mit gnadenn vnd guethem geneigt." Datum. Zettel. Es hatt vnns auch vnser Secretarj Anthonj bericht, Das die buecher, als Jr vnns gesant, siben thaler Neun groschenn gesthenn, Als schicken wir euch hienebenn achthalbenn thaler, Vnd werdett vnser mit denn andern buechern eingedenck sein. Datum vt in litteris. " 1554, 12 Juni, sender Kongen fra Kolding Dr. Justus Jonas, der har oversendt ham en Præken, 30 Daler. ,Vnnd alsz Jr euch des buechs halbenn de Concilijs gegenn vns erbiettett, So habenn wir solchenn euern vleisz, domit der Christlichen Kirchen Nutzlich gediennett wirtt, gernn vernhomen, wollenn auch des buechs, wan es gefertigt, gewertig sein." Under 8 Dec. s. A. skriver han fra Nyborg til Melanchton: han takker for dennes Brev af 29 Okt. og de deri indeholdte Tidender og sender ham hans „Gnadengeld" 50 Daler. "Was Johan Hoyn anlangen, dem haben wir hieuor gnungsam hilffe gethon, Vnnd verstehen, das ehr viel dorheit treiben soll. Er ist auch furhabens Bucher auszgehen zwlassen, wie ehr ann vnns geschrieben. Nu haben wir woll zuermessen, das es nicht sonders ist, so seint der vnnutzen Bucher ohne das genung. Jr wollet jhme solich bucher drucken nicht gestatten, vnnd ist besser, das ehr sich hereiner jn sein Vaterlandt begebe vnnd zw diensten brauchen lasse, dartzw ehr nutze wirdt sein. Jhr werdet ihme auch datzw Rathen etc." 54. Andtwordt ann doctor Pomern die schwedischen fuchsse vnd jerliche pension, So ihme vberschickt wirdt, Belangendt. Actum Nyburg denn 9ten Decembris Anno etc. 54ten. Christiann etc. Wirdiger vnnd Hochgelartter besonder Lieber. Wyr habenn ewer schreibenn denn 30 ten Octobris negst zw wittembergk Datirt denn andern ditz Monats empfangen vnnd daraus gnedigst verstanden, was ir vnser schwacheitt halben meldet, das euch derwegen vnnd sonst lange kein schreibenn vonn vnns oder vnnsern dienernn zwkomen, Ahne allein was ihr ann vnsers freuntlichen geliepten Ohmen, Sohns vnnd gefatteren des Churfursten zw Sachssen hoffe erfahren etc. Auch das ihr euch mit etzlichen guten Schwedischen fuchssenn zwbedencken bittet etc. Wollenn euch darauff hinwidder gnedigst nicht verhalten, das nicht ahne, das wir bey drey virteil Jahres nachdem willen des Almechtigen vast hart mit Leibsschwacheit beladen gewesen, Also das wir die hoffnunge dieses zeitlichen lebens jn des heren handt gestalt vnnd vnns dem domals wie auch sonst allewege ergeben. Aber es hat dem Lieben Gotte wollgefallen, dass wir in diesem zeitlichen leben noch ein wenig
