270
anderer Sachen halben gemeltt, Auch vonn wegen Powel Lutters vorbitlich an vns gelanngtt etc. Seindt euch solches schreiben vnnd berichts, daran Jhr vnns nicht ein kleinen gefallen gethann, sampt denn vbersandten buchlein der Predicanten Jn hungern gantz gnedigst danckpar. Vnnd ist, so es sich mit den Munchen also erhelt, wie wir nicht vbel glauben, gotts wunderbarlicher Rath zuerkennenn, der kein gottslesterlich lehr, lebenn, vnzucht vnnd bose handlung vnoffentbart sein lassen will, damit der weltt zuuerstehen gebenn wirdt, was vff denn geistlosen hauffen zustellen. Der Almechtige gebe, das solche schreckliche Exempel denn Obrigkeitten mogen zur warnunge sein. Vnns ist auch lieb zuuornhemen gewesen, was Jhr von den Predicanten zu Wien vnnd Jn Hungern gemeltt. Es ist des Herren wergk, der erbarmt sich des er will, wo mhan Jhn horett. Wie es vff dem Reichstage zustehet, hatt vnser diener, den wir dar haben, vnns auch notturfftiglich vermeldett, vnnd wollen nicht zweiffelnn, der Barmhertzig liebe godt werde vhm der seinen willen gnedigen fridenn Jn Religions Sachen verleyhen, das auch sonst all misstrawen auffgehoben vnnd in zeittlichen Sachen die sorglich vnruhe so ein zeithero gewesen auch vffhoren muge. Vff ewer sonderlich vorpitt auch vhm des theurenn gottseligen manns doctoris Lutherj willen schickenn wir hieneben Pawel Luthernn virtzig thaler Aus gnaden, vnnd woltten nichts liebers horen, dann das die Jungen Luther Jhre Zeitt woll mochten anlegen vnnd den Fusztapffen des vatters, Auch anderer gelertten leut folgen, sehen wir sonderlich gern. Wann auch was weitters sich zutregtt Jn Religion vnnd anderen Sachen, so vnns zu wissen geburen, das wollett vnns, wie Jtzo vnnd alweg geschehen, vnbeschwert vermelden. das gereicht vnns zu sondern gnedigstem gefallen. Wir schicken euch auch ewer gnadengeltt bey Scherff dem botten funfftzig daler, die werdet von Jhme empfahen. Seindt euch allwege mit gnaden vnnd gutem gneigtt, thun vnns hyrmit Jn ewer Christlich gebett beuhelen. Datum vt supra. Under samme Dato skriver Kongen ligeledes til Dr. Pommer: han har modtaget dennes to Breve, det ene dateret i Fasten, hvilket Scherff havde leveret Kongens Secr. Steen Bilde, det andet af 7 Juni, og takker for de deri indeholdte Efterretninger, samt oversender ham hans og Melanchtons Pension, 100 Daler. 56. Antwort an Doctor Maiorn. Kon. Matt. vberschicken Jhme zwolff Rossenobel. belangenndt auch die Augspurgische Confession. Actum Horingsholm denn 2ten Julij Ao etc. Jm Lvten. Christian etc. Wir haben ewer schreibenn dingstages Jn Pfingsten datirtt vhor wenig tagen empfangen Vnnd daraus gnedigst verstannden, Was ir ewer erclerunge halben, so Jr vergangen wintters mit vbersendung etzlicher Weilandt Furst Georgen
